Hemen zaude: Hasiera › Herriz herri › Nafarroa › Albisteak › Zabaleta: "NaBai2011ri emandako botoak bikoitza balio du, UPNren lehenengo ardura garelako"

Zabaleta: "NaBai2011ri emandako botoak bikoitza balio du, UPNren lehenengo ardura garelako"

2011/05/16
  • zabaleta
  • paktuak
  • hauteskundeak
Nafarroa Bai 2011ren hautagai Patxi Zabaletak "oso positibotzat" jo ditu hauteskundeei begira egindako inkesten emaitzak. "Koalizioak izan zituen arazoak gainditu dituela eta adierazten dute Nafarroan bigarren indarra izatera helduko dela, UPNri parez pare begiratzeko gai izateraino".

Kazetarien aurrean egindako agerraldian Zabaletak adierazi du NaBairen aldekotasuna badagoela utzi dutela agerian inkesta guztiek eta Iruñeko alkatetza eskuratuko duela NaBaik.

Hauteskunde osteko paktu posibleez galdetuta, Zabaletak esan duenez, "Nafarroa Bairen esku balego gobernuen aniztasuna bermatuko dugu, aurrerakoiak, ezkerrekoak eta solidarioak; hala UPNren alternatiba izateaz gainera Nafarroako gizartearen isla izango dira eratzen diren gobernuak". "Nafarroako gizartea aurrerakoia da, aniztasunari irekia eta gehiengo solidarioz osatua. Horixe da hain justu gobernu anitz eta aurrerakoi batek ordezkatu beharko lukeen gobernua", gehitu du. Ildo horretan, NaBaik "bere esku dagoen guztia egingo duela berretsi du Zabaletak aldaketa hori gerta dadin eta, horren haritik, PSNri zuzendu zaio esanez behingoz zehaztu dezala ze hitzarmen asmo duen UPNrekin eta utz diezaiola hautesleak engainatzeari.

"Nafarroa Baik ez du UPNrekin paktatuko horixe baita bide bakarra gobernu aurrerakoi bat izateko, hau da, regionalistak oposiziora", gehitu du Zabaletak.