Hemen zaude: Hasiera › Herriz herri › Nafarroa › Albisteak › Nafarroa Baik dio gaur ezagutarazitako datuek langabeziarengatiko alarma soziala egiaztatzen dutela

Nafarroa Baik dio gaur ezagutarazitako datuek langabeziarengatiko alarma soziala egiaztatzen dutela

2012/02/02
Nafarroa Bairen ustez, gaur ezagutarazitako datuek agerian uzten dute langabeziaren inguruko alarma soziala egon badagoela. Patxi Zabaleta Nafarroa Baiko bozeramaileak esan duenez, “Nafarroan 50.000 langabetuen kopuru enblematikoa gainditu da eta horrek argi gorri guztiak piztea eragin du, EAEn eta Espainiako estatu osoan ere langabeziak gora egin duela kontuan izaten badugu”.

Nafarroa Baik ohartarazi du Nafarroan Espainiako estatuan izan den hazkunderik handiena izan dela, azken 12 hilabetean %11,07 hazi baitelako langabeziaren tasa.

“Nafarroako langabeziaren datuek, 50.149 langabeturekin, beste gauza askoren artean Barcina presidentearen eta UPN-PSN gobernuaren porrotaren adierazle dira”, esan du Zabaletak. Nafarroa Baiko bozeramaileak gaineratu duenez, “langabezia ez da sortu Foru Gobernuaren politikengatik bakarrik, baina agerikoa da politika horiek ez dutela langabeziari aurre egiteko balio izan, Barcina eta Jimenezek kontrakoa iragarri ziguten arren”.

Nafarroako politika ekonomikoa, sozialak eta publikoak berraztertu behar direla uste du Nafarroa Baik. Enplegu planak eta enpresa berrikuntzarako planak mahai gainean jartzea beharrezkoa da.

“Politika sozialak eta ikerkuntzakoak murriztu dituen UPN-PSNren gobernuak bere porrota aitortu behar du eta bere ondorioak atera, Nafarroako gizarteak hori nahi eta behar duelako”, azpimarratu du Zabaletak.