Aralarrek salatu du Madrilgo gobernuak hartutako neurri ekonomiko berak bultzatuko dituela PSNk Nafarroan
Gaur goizean, Asun Fernandez de Garaialde Nafarroako koordinatzailearekin batera eskainitako prentsaurrekoan, Zabaletak adierazi du “PSNk eskuinaren ideologiarik atzerakoiena” bere egin izana. “PSNren boto-emaileek kontuan izan behar dute koherentzia ideologikoaren aldetik Nafarroan gertatzen ari diren egoera jasanezina”.
Alderdi Sozialistaren baitan ematen ari diren berraztertze prozesuak Nafarroako Gobernuan izan dezakeen eraginari buruz kazetariek galdetuta, Zabaletak esan du epe luzera “egoera jasangaitza gertatuko zaio alderdi sozialistaren oinarria den ezkerreko esparru sozial horri”.
“Nafarroako gehiengo aurrerakoia ezin da ados egon PSNk koherentziarik gabeko modu krontraesankorrean babesten duen eskuineko Gobernu batekin”, azpimarratu du Aralarreko koordinatzaileak. “Epe ertain edo luze batean, egoera honek eztanda egin behar du nahitanahiez”.
Era berean, “ideologikoki eta jardun politikoan izan beharreko lehentasunetan” Nafarroako Gobernua “kontraesanean” erori behar dela agertu du. “Barcinak Rajoyren Gobernuaren erabakiak bere egin behar ditu, baina Madrilen PSOEk bere kontrakotasuna agertu du”. Hala, PSNk Nafarroan zer egin behar duen galdetu du.
Albiste erlazionatuak
Nafarroa
- Xabi Lasak desjabetuak izan diren familiek alokairu sozialerako eskubide izatea proposatu du
- Nekane Perezek murrizketen aurkakako mobilizazioetan parte hartzera deitzen du
- Portland PIGRINeko errauskailua bihurtzearen kontra azaldu da Txentxo Jimenez
- Maite Iturrek, Nabai 2011ko zinegotzia Baztanen, bere konpromisoa berretsi du eta udalaren egoera azaldu du
Aralarkideak albiste
-
Fernandez de Garaialde y Lazkano, Asun
Nafarroako koordinatzailea. Nafarroako parlametuko parlamentaria eta Altsasuko zinegotzia
-
Aralarren koordinatzaile nagusia eta Nafarroako parlametuko parlamentaria