Xabi Lasak gogoratu duenez, egungo legeak oztopoak jartzen dizkie desjabetuak izan diren familiei eta horregatik lehentasuna duten talde berri bat izateko eskatu du. “zuek” esan die UPN, PP eta PSN, orain dauden baldintzetara heltzen diezue baina baldintza horiek bete ezinak dira familia hauengatik, ez zaitezte iruzurretan ibili”

Xabi Lasaren hitzetan “Hori da Nafarroako Gobernuak bere esku duen aukera eta politika sozialean aurrera egiteko eman dezakeen urrats garrantzitsu bat gaur egunean”. Tamalez UPN, PP eta PSN kontra agertu dira.

Aldiz, porlana produzitzeko aitzakiaren atzean Portland-ek hondakinak kudeatzeko enpresa bihurtu nahi badu, porlanarekin inolako loturarik gabe ez duena, “arazoa larriagoa” litzatekeela esan du Jimenez.

Aralarreko Nabaiko parlamentariaren hitzetan, “asteak eman dute Gobernuak, alderdiek eta eragile ekonomikoek Koplowitz andrearen enpresari gorazarre egiten, eta orain, horri albiste hau gehitzen diogu, arazoari kiratsa dario. Arraroa iruditu zaigu, albistearen protagonista Roberto Jimenez Presidentzia eta tokiko administrazioaren sailburua izatea. Ustekabearen arrazoia zera da: Roberto Jimenezen ardura dela Hiri hondakinak kudeatzeko plangintza, PIGRIN famatua eta horren barruan Errauskailurako plangintza”. Txentxo Jimenezek gogoratu duenez, “behin eta berriro entzun dugu Roberto Jimenez parlamentuan eta parlamentutik kanpo Nafarroan ez zela errausketarik egongo esanez, garatuago eta gutxiago kutsatzen duten aukerak bilatzen ari zirela”.

Txentxo Jimenezek esan duenez, “akats larria izango litzateke orain arte Portlandek eskatzen zuena, erregaiaren zati bat aldatzea alegia, porlan ekoizlearen errentagarritasuna hobetzeko eta errausketa erabiliz Nafarroako hondakin kudeaketa eta ezabatzeko enpresa bihurtu izana”.

Erregaia aldatu nahi badu, Nabai “beti egon da proposamen logikoak eztabaidatzeko eta adosteko prest, baina tinko jarriko gara Portlandek Olaztiko lantegia PIGRINek aurreikusten duen Nafarroako zarama eta hondakinen errauskailua bihurtzearen kontra.”

BAZTANGO NAFARROA BAI 2011KO ZINEGOTZIGOAREN INGURUKO PRENTSAURREKOA

2012.05.15

Dagoeneko aurreko prentsa ohar batean aipatu bezala, Pello Iriartek dimititu eta gero zinegotzi kargu hartu nuen erantzunkizun eta koherentzia politiko printzipioetan oinarrituta. Hortaz, aurreko zinegotziak zituen ardurak hartu nituen, Tokiko Gobernu Batzordean parte-hartzearena barne. Udal talde guztiek parte har dezakete organo honetan; ondorioz, egiten ez duenak horretan lanik ez egitea erabaki duelako da, bertzerik gabe.

Beraz, zenbait pertsonak egin ditzaketen balorazio partikularrak gorabehera, Nafarroa Bai 2011k legegintzaldi hasieratik normaltasunez parte hartu izan du Tokiko Gobernu Batzordean.

Baztanen, Nafarroa osoan bezala, Nafarroa Bai independiente, EAJ eta Aralarren arteko lankidetza zintzoaren emaitza izan zen, gure udalaren egoera hobetzeko ezkerreko proposamen hoberentzat jotzen ditugunak baztandarrei eskaintzeko asmoz.

Udal bizitzaren garapena, hobetzeko etengabeko saiakeran oinarritu behar izanen litzateke, iraganeko akatsak onartuz eta konpontzen saiatuz. Zinegotzi honek, asmo horrekin hartu zuen kargua, eta kargu horri eutsiko dio legegintzaldiaren amaierara arte, edonorren gogoz kontra bada ere.

Bertze alde batetik, gure Bailararako turismo eta merkataritza sektoreak duen garrantzia aintzat hartuz, eta alor honetan lan egiteko aukera ikusirik, hain zuzen erantzunkizun eta koherentzia politikoz zinegotzigo hori hartzea erabaki nuen, horren ondorioz Bilduk eta Baztango Ezkerrak sinatutako gobernu akordioan sartu behar izan gabe. Zinegotzi batek gobernuaren parte izan gabe zinegotzigo bat hartzea ez da inolaz ere salbuespeneko afera Nafarroan: UPN, Nafarroa Bai eta Bilduko gobernuekin gertatu izan da. Erabaki honen ondorioz dudan helburua Bailararen alde lan egitea da, asko egiteke dagoen sektore batean, botere lehi eta ika-mika pertsonaletan sartu gabe.

Hemen gaude eta zinegotzigo hau hartu dugu, Baztani ezkerreko ikuspuntuak eta ezkerreko konponbideak emateko. Ez gaude UPNren jarraikeriarik egiteko ezta interes partikularren zerbitzura jokatzeko ere ez.

.Hauxe da zinegotzi honek mantenduko duen jarrera, betiere baztandar guztiei eta doike, azken udal hauteskundeetan hauteskunde zerrenda osatu zuten pertsona guztiei atea irekita eskainiz.

Apirilaren amaieran autoizendatutako "Baztango Nafarroa Bai 2011ko elkartea"k komunikabideei prentsa oharra igorri zien nire zinegotzi lanetik desmarkatuz. Orduan, idazkiaren egileei deia luzatu nien aurpegia eman zezaten, NaBai 2011ko laburduraren atzean izkutatu gabe. Ongi dakizuen bezala, ez dute hori egin, eta areago, modu berean jarduten jarraitzen dute.

Anonimotasunaz baliatzen direnei, NaBai 2011ko ordezkaritza usurpatu nahi dutenei ere deia luzatzen diegu lankidetzan aritzeko eta Baztan hobetzeko konponbideak ekartzeko, Baztanek ezkerrerat begiratu eta ibilli behar duelako eta akordioak errespetatuak izateko egiten direlako.

Zigako hilerriaz eta Almandozko saihesbideaz aritzen den azken oharraren edukiari dagokionez, aipatu beharrekoa da gaia Osoko Bilkuran eztabaidatu eta argitu zela duela zenbait hilabete, 2012ko Aurrekontuen onarpenaren harira. Gai hau orain berriz atera badute zenbaitzuek, udal gobernua kritikatzeko eta bereziki, ni udal ordezkari gisa deslegitimatzen saiatzeko izan da.

Edozein kasutan, oraingo honetan Baztan hobetzeko eta lan egiteko dugun konpromezua berresten dugu indar eta ilusio osoz, batzuek bereganatu eta usurpatu nahi dituzten arren, Nafarroa Bai 2011ri sorrera eman zioten helburuak ordezkatzen ditugula konbentzituta gaudelako. Lan egiteko gogoa duenak gure lankidetza izanen du, traba egin nahi duenak, aurrean aurkituko gaitu, hemen inporta dena Baztan delako.

Sarreren atalari dagokionean, Nafarroako zerga sistema erreformatzeko beste aukera bat galdu da, zergetan egiazko progresibotasuna ezarriko duena eta aberatasunaren birbanaketa egokia eta ekonomiaren sustapena egingo duena.

Ondareen gaineko zerga bere osotasunean berreskuratzeko neurriak edo kapitalaren gaineko tributazioaren aldaketa proposatu beharrean, bidegabeak eta eraginkortasunik ez duten hainbat neurri proposatu dizkigute.

Osasun arlorako zentimoaz hitz egiten, baina ez da zentimoa, gasolina litroko 2,4 zentimo direlako, eta osasun arlokoa ere ez da. Beraz, erabat bidegabea den zerga igoera baten aurrean gaude, nafar guztiei maila berean ezartzen zaielako, beren errenta maila eta gizarteari egin ahal dioten ekarpena kontuan izan gabe. Zerga bidegabea da, eta beste behin, langileriaren bizkar gainean jarri nahi dira krisiaren ondorioak.

Bestalde, sozietaten gaineko zergaren erreformari buruz hitz egiten dute, baina erreforma horren edukiak zehaztu gabe. Begi bistakoa da sozietaten gaineko zergaren erreforma egiturazkoa izan behar dela eta ez behin behinekoa, Nafarroako hazkundearentzat eta nafarren ongizatearentzat aktibo garrantzitsua izatea nahi baldin bada.

Murrizketak

Osasun arloan, egoera irregularrean dauden pertsona etorkinak zerbitzu gabe utzi nahi dituzte, baina horretarako, eufemismoak erabiltzen dituzte; hala nola, apirilaren 30ean erroldatuta ez daudenei bakarrik ukatzea osasun arreta. Agerikoa da data horretan dokumentazioa daukana ez dela egoera irregularrean dagoen pertsona etorkina. Jarrera hori, bidegabea izateaz gainera, gizatasunik gabekoa eta xenofoboa da.

Antzeko murrizketak ezartzen dituzte osasun arloko garraioan edota larrialdietarako zerbitzuen erreforman, eta baita osasun arloko langileen lan-baldintzetan.

Hezkuntza arloan, Wert ministroak ezarritako neurri guztiak indarrean jartzen ari dira, nahiz eta eufemismoak eta hitz politak erabili hori estaltzeko. Hala ere, langileekin eta funtzionarioekin oso gogor jokatzen ari dira.

Gizarte zerbitzuetan sistematikoki egin dituzten murrizketak estaldurarik gabe utzi dituzte sektore zabal asko eta, hori justifikatzeko, funtzionamendu arazoen aitzakia erabiltzen dute. Bestalde, ezin dugu ahaztu funtzionamendu arazo horien erantzuleak beraiek direna.

Gobernu akordioa PPk Madrilen ezartzen duenaren aurrean sumisioa agertzea denez, sektore publikoko langileei eraso zuzena egiten ari zaie eta beraien lan-baldintzak kaskartzeko neurriak ezartzen ari dira.

Enplegua sustatzeko neurriak

Enplegua sustatzeko iragarri dituzten neurriak egiaz ez dira horretarako, eta sektore atzerakoienak gustura geratzeko helburua baino ez dute.

Nafarroarentzat estrategikoak diren proiektuak ez dute inolako eraginik izango gure herrialdeko sare ekonomikoan. UPNren konpromiso klientelistei baino ez dite erantzuten neurri horiek. Nafarroak dituen baliabide urrien xahutzearen adibide argia dira. Besteak beste, Opus Deiren unibertsitatearen aldeko neurriak dira, edo lanbide heziketa pribatuaren aldekoak, edo obra publikoak egiten dituzten zenbait enpresa eraikitzaileren aldekoak.

Zentzugabekeria handi baten aurrean gaude, eta egoeraren larritasuna aintzat izanda, beste behin PSNri eskatu beharrean gaude koherenteak izan daitezela esaten dutenaren eta egiten dutenaren artean. Roberto Jimenezi esan behar diogu Nafarroaren ongizatea presidenteorde karguaren aurretik jarri behar duela.

Aralar Nafarroa afirma que una vez mas PSN y UPN se han plegado a los recortes del PP

Aralar Nafarroa quiere hacer pública su oposición más rotunda a las medidas presentadas por PNS y UPN para recortar los gastos de la comunidad foral.

Ingresos

En el capítulo de ingresos han perdido una nueva oportunidad para reformar la fiscalidad navarra estableciendo una verdadera progresividad en los impuestos que contribuya a la redistribución de la riqueza y el fomento de la economía.

En lugar de plantear medidas como la recuperación del impuesto del patrimonio en su totalidad o la modificación de la tributación de las rentas del capital nos presentan medidas injustas e ineficaces.

Nos hablan del céntimo sanitario, que ni es céntimo ya que son 2,4 céntimos por litro de gasolina, ni es sanitario. Esto se trata de una nueva subida de impuestos profundamente injusta ya que grava por igual a todos los navarros y navarras sin tener en cuenta su nivel de renta y por lo tanto su capacidad de aportación al crecimiento de la sociedad. Es un impuesto, profundamente injusto y que una vez más carga sobre las clases trabajadoras las consecuencias de la crisis.

Por otro lado hablan de la reforma del impuesto de sociedades sin concretar dicha reforma. Resulta obvio que la reforma del impuesto de sociedades debe ser abordada desde un punto de vista estructural y no coyuntural, para que sea realmente un activo que contribuya el crecimiento de navarra y el bienestar de navarros y navarras.

Recortes

En Sanidad, excluyen a las personas inmigrantes en situación irregular de cualquier atención aunque lo tratan de disimular con eufemismos tales como que solo se les negará la asistencia sanitaria a los que no estuvieran empadronados el 30 de abril. Parece obvio que quien disponga de documentación a dicha fecha no es una persona inmigrante en situación irregular. Esta actitud solo puede considerarse además de injusta, inhumana y xenófoba.

Similares recortes aplican en el transporte sanitario o el la reforma del servicio de urgencias presentada recientemente, así como en las condiciones laborales del personal sanitario.

En educación están aplicando todas las medidas dictadas por el ministro Wert haciéndolo con eufemismos y palabras bonitas, tratando de engañar a la sociedad, pero con extrema dureza en las relaciones con los y las funcionarias y trabajadoras

Los recortes sistemáticos en servicios sociales han dejado fuera de cobertura a muy amplios sectores utilizando como argumentación los defectos de funcionamiento. No podemos olvidar por otro lado que estos defectos de funcionamiento solamente son imputables a ellos mismos.

Y dado que el acuerdo de gobierno es un seguimiento sumiso de lo dictado por el PP en Madrid esto también se ha concretado en un ataque directo a las y los trabajadores del sector público, con medidas que empobrecen sus condiciones laborales.

Promoción de medidas a favor del empleo.

Las medidas anunciadas como promoción de medidas a favor del empleo, no son tales y se limitan a tener contentos a los sectores más reaccionarios.

Los proyectos estratégicos para navarra son obras que no repercuten en el tejido económico navarro y que constituyen el cumplimiento de los compromisos clientelares de UPN. Son un ejemplo de despilfarro de los escasos recursos de Navarra, en beneficio de la universidad del Opus Dei, de la formación profesional privada y de determinados constructores de obras públicas.

Ante este despropósito para Navarra, y la gravedad de la situación,  nos vemos en la obligación una vez más de pedir a PSN un mínimo de coherencia entre sus declaraciones y sus hechos. De exigir a Roberto Jiménez a que anteponga el bienestar de Navarra a su querencia por el sillón de vicepresidente.

NaBaiko Aralarreko parlamentariak Izquierda-Ezkerrak eta Bilduk aurkeztutako mozioetan abstentzioren zergatik egin duten azaldu du: “Eskatu zeniguten jarrera baikorraren adierazten du gure botoak, baina argi izan ezazue lege honen behin betiko bozketa heltzen denean, ezezko borobila emango diogula, baldin eta partaidetza prozesua orain arte izandakoa bada”. Abstenitu diren arren, Jimenezek bere desadostasuna agertu du Izquierda-Ezkerraren mozioarekin, eta ados azaldu da Bilduk aurkeztutakoarekin.

Ironiaz, Txentxo Jimenezek eskertu ditu “departamentu eta bulegoetara joateko eta gure ekarpenak egiteko luzatzen zaizkigun gonbiteak, zuen zirriborroak egiten laguntzeko gonbiteak, baina eztabaida eta partaidetza arautua dago eta parlamentu honetan izan behar da”. Aralarreko NaBaiko parlamentariak salatu duenez, “hasiera batean eman ziguten zirriborroa eta orain hona datorren lege proiektuaren artean ez dago aldaketa nabaririk, % 95ean berdinak dira; parlamentario honek orriz orri alderatu ditu, eta horrek esan nahi du edo herri partaidetza ez dela egon edo hiritarrek eginiko ekarpenei ez diezula jaramonik egin”.

Ondoren, Nabaiko bozeramaleak eta Aralarreko Nabaiko parlamentariak lege honen inguruan bere taldeak duen jarrera zehaztu du.

Batetik, Txentxo Jimenezek esan du legeren maila hobetu behar dela, “lege honen aginduz egun arautua dagoela hobetzeko, eta ez jarri lege hau arautua dagoenaren menpe”.

Jimenezek oinarrizko desadostasun filosofikoa dagoela esan du. “Erakundeek duten informazio publikoa hiritarrena baita, eta administrazioak egin behar duena da bere erabilera arautu”.

Eztabaidan Nabaiko bozeramaleak eskubidea unibertsala izan behar duela esan du, “hiritar guztiena, Nafarroan dauden talde guztiena, baita arazo zehatz bati erantzuna emateko sortzen diren taldeena ere”. Jimenezek errolden zabaltzeak kritikatu ditu eta, salatu duenez, “gobernuak legeen inguruan iritzia emango duten 10 pertsona izendatuko ditu. Nik ez dut orain zalantzan jarriko gobernuaren borondatea, baina badaezpada, egunen batean borondate txar hori agertzen bada gauzatu ez dadin mekanismoak jarri behar ditugu”.

Txentxo Jimenezek nabaritu duenez “ezin da izan, 30 urte eta gero, euskararen legea indarrean egonda, lege honek ahal den neurrian, ezin ditu jaso progresiboki edo saiatuko dela bezalako esamoldeak. Nafarroak bi hizkuntz ofizial dauzka, eta ezinezkoa da gardentasun eta partaidetza lege batek horietariko batean bermatzeko gaitasuna ez izatea”.

Bukatzeko, NaBaiko Aralarreko parlamentariak ordainsarien atala kritikatu du. “Kargu publiko guztiok, gobernu kideak, parlamentariok, Gizarte Segurantzako erregimen orokorrera pasa beha dugu, edozein herritar bezala. Nik parlamentario izateari uzten diodanean, langabeziagatiko prestazioa jasotzeko eskubidea izan nahi dut, nire herriko beste edonork bezala eta ez ordainsari bat, eta kargu publikoek ezin dute bi soldata izan. Horrekin behin betiko bukatu behar dugu.”

Osasunerako eskubideak gutxienez lau arlotan finkatu behar duela esan du Asun Fernandez de Garaialdek “erabilgarritasuna, onargarritasuna, kalitatea eta akzesibilitatea”. Aralarreko koordinatzaileak Aralarrek lehen mailako arreta sistema indartu eta bultzatzearen alde dagoela esan du “gaur egungo ospitalozentrismoaren aurrean lehen mailako arreta indartu behar dugu, horretan datza, gure iritziz, klabe bat osasun sistema mantentzeko modu jasangarrian.”

Bere aldetik Nekane Pérez-ek azpimarratu duenez UPN-k aurkeztu duen eredua “osasun departamentuak egin du inorekin kontrastatu gabe, ez arloko profesionalekin, ez elkarte zientifikoekin, ez talde politikoekin (PSN ezik), autoritarismotik pentsatuta. Horrelako abiapunturekin zaila egiten zaigu sinestea sistema hobetzekoa egina dagoenik, ez da jasangarritasun kontua, osasun arloko murrizketa sorta berri bat baino. Gureak egiten ditugu plan honen inguruan profesionalek egindako balorazioak, hau ez da plan bat, asmoen zerrenda besterik ez, eta intentzio horiek arriskutsuak suertatzen zaizkigu”

Aralarreko parlamentariak esan duenez “aurreko legegintzaldian profesionaltasuna batera lehen mailako arreta zerbitzua hobetzeko proiektua prestatu zen, kalitatea, lan baldintzak hobetzeko, sistemaren jasangarritasuna bermatzeko. Ez genuke hori ahaztu behar, ez genuke lan hori zakarrontzira bota behar. Profesionalek adierazi zuten kezkarik handiena finantziazio falta izan zen, eta hori hala izanik, zein da Gobernuak egien duen ekarpen berria? Eredu berri honen ekarpen ekonomikoa zein da? Zergatik Gobernuak ez dio jaramonik egin adostutako proiektuari?”

Marisol Tabernak gogora ekarri du “gaur egun herrietan gabezi asko dugu, emakumeon arreta zerbitzuan edota gaixo kronikoen garraioan tratamendua hartzeko”.

Prentsaurrekoaren testua.

Egunon denoi eta mila esker prentsa aurrekora etortzeagatik, honetan Nafarroako Gobernuak burutzen dituen murrizketak, batzuk nabarmenak eta beste batzuk ezkutuak, salatu nahi ditugu. PSNren koherentzia ezaz  baliatuz eta bere betiko gezurrak erabiliz UPNk berriz ere ongizate estatuari egin dio eraso, kasu honetan osasun arloari.

UPNk osasun arretarako eredu berri bat aurkeztu du, osasun departamentuak egina inorekin kontrastatu gabe, ez arloko profesionalekin, ez elkarte zientifikoekin, ez talde politikoekin (psn ezik), autoritarismotik pentsatuta. Horrelako abiapunturekin zaila egiten zaigu sinestea sistema hobetzekoa egina dagoenik, ez da jasangarritasun kontua, osasun arloko murrizketa sorta berri bat baino. Gureak egiten ditugu plan honen inguruan profesionalek egindako balorazioak, hau ez da plan bat, asmoen zerrenda besterik ez, eta intentzio horiek arriskutsuak suertatzen zaizkigu.

Gure ustez honek asistentzia kalitatean murrizketa ezkutuak ekartzen dizkigu, lan baldintzetan, zerbitzuetan. Aldaketak behar dira? Bai, baina lehen mailako arretako zerbitzuaren berrantolamenduarekin ez da nahiko, berrantolamenduak behar ditugun aldaketak ekarriko ditu baldin eta baliabide ekonomikoekin batera egiten bada. Apustu argia egin behar dugu Lehen mailako arretaren alde

Gizaki orori dagozkion oinarrizko eskubideetariko bat da osasun eskubidea, eta inor ez da bereizi behar, bere etnia, larru-kolorea, sexua, hizkuntza, erlijioa, politikako edo bestelako iritzia, sorterria edo gizarteko jatorria, ekonomi maila, jaiotza edo beste inolako gorabeheragatik. Denok dugun osasun eskubidea Gobernuak bermatu behar du kalitatea eta erabileerraztasuna barne.

Lehen mailako arretari buruzko hausnarketa sakon bat egin behar da, Aralarren ustez gaur egungo ospitalozentrismoaren aurrean lehen mailako arreta indartu behar dugu, horretan datza, gure iritziz, klabe bat osasun sistema mantentzeko modu jasangarrian.

Sistema hobetzeak exijitzen digu, lehen mailako arreta hobetzea, horrekin batera baliabide ekonomiko nahiko, azpiegiturak hobetzea,  froga diagnostikoetara era homogeneoan sartzea, lan baldintza hobeak, ordezkatzeak, formazio aukerak …

Eredu berri honetan larrialdietarako zerbitzuak Lehen mailako arretako kupoetan sartuko ote diren,  nola antolatuko diren arratsaldeko txandak, ez dakigu zer eta nola eginen duten. Dakigun gutxi hori adibidez zaintzak lokalizatuak direla eta, erakusten digu eskubideen galera, argi dugu kalitatearen kontra doala, lan baldintzen kontran.

Aurreko legegintzaldian profesionaltasuna batera lehen mailako arreta zerbitzua hobetzeko proiektua prestatu zen, kalitatea, lan baldintzak hobetzeko, sistemaren jasangarritasuna bermatzeko. Ez genuke hori ahaztu behar, ez genuke lan hori zakarrontzira bota behar. Profesionalek adierazi zuten kezkarik handiena finantziazio falta izan zen, eta hori hala izanik, zein da Gobernuak egien duen ekarpen berria? Eredu berri honen ekarpen ekonomikoa zein da? Zergatik Gobernuak ez dio jaramonik egin adostutako proiektuari?

Nafarroan, finantziazioa nahiko ez izan arren, osasun sistemak ongi funtzionatzen du profesionalen lanari esker, hala ere, bai UPN bai PSN okerrera eramaten saiatzen dira. Anitzetan erran dugu eman nahi ditugun prestazioen arabera egin behar dela aurrekontua eta ez egiten den bezala, prestazioak eman aurrekontuaren arabera. Beti beharrezkoa den baino gutxiago  aurreikusi egin da, nahita, modu horretan sistema jasanezina den ideia sortzen. Hori ez da egiak, aurrekontuaren arabera prestazioak ematea kalitatearen kontra doa,  ideia horrekin bide bat ireki dute, pribatizazio bidea.

Beldurra erabiltzen oso trebeak dira UPNkoak, erabili izan dute ideia hori zabaltzeko, jasanezintasunaren diskurtsoa, merkeagoa omen da elkarte pribatuekin hitzarmenak egitea, hau hobea da, hobea norentzat? Horrekin enpresa pribatuen etekina handitzea besterik ez da lortzen. Izan dezagun argi: hau ez da berrantolamendu bat, hau beste murrizketa sorta bat da; eta murrizketa horien jatorria ez da diru falta, lagunen negozioa baizik.

Murrizketa guzti hauek ez ditu UPNk bakarrik egiten, ez, laguntza berezia du, PSN du bidelagun, hemen PPk Madrilen egien dituen murrizketak salatzen duen bitartean aurrera eramaten dituela hemengoak. Ez da onargarria bere burua ezkerrekotzat hartzen duen alderdi batek horrelako eskubideen murrizketa politika bat aurrera eramatea eskuinekoen itzalean. 

Txentxo Jimenezek nabaritu duenez, Zilbetin, Erroko udalean, zabaldu nahi duten harrobi berriaren irekiera tramiteetan “Magna enpresak bere alde jartzen du harrobi berriaren ustiapenak sortuko dituen ingurumen kalteak konpontzeko eta harrobiaren berrezartzeko konpromisoa, harrobia agortzen denean”. Baina NaBaiko Aralarreko parlamentariak gogora ekarri duenez, “hori ezinbestekoa da, Ingurumen edozein azterketa aurrera ateratzeko; baina, tamalez, Nafarroan harrobiak ustiatzen dituzten enpresak ez dute betetzen”.

Horregatik guztiarengatik, Txentxo Jimenezek eskatu du Magna enpresak baimen berria eskatzerakoan aldarrikatzen duen borondate ona Eugiko harrobiaren berrezarpenean ere erakustea, baimena lortu aurretik.

Beraz, Txentxo Jimenez parlamentariak honako mozioa bideratu du, Parlamentuko osoko bilkuran eztabaidatzeko:

EBAZPEN PROPOSAMENA:

Nafarroako parlamentuak Nafarroako gobernuari eskatzen dio Zilbetiko harrobi berriaren ustiapenerako Magnari behin betiko baimena eman aurretik, Ingurumen Sailean egun Eugiko lurraldeetan ustiatzen duen eta Zilbetikoak ordezkatuko duen harrobiaren berrezarpen plana aurkezteko.

PP-k, UPN-k eta PSN-k gezurretan ari dira beste politikarik posible ez dela diotenean. Beste  eredu ekonomiko eta soziala posible da, noski baietz!! Posible da herritarren parte hartze demokratikotik eraikiko den eredu burujabe eta sozialki justoa gauzatzea. Ezker Abertzaleak, Eusko Alkartasunak, Aralarrek eta Alternatibak proposamen zehatza jarri dugu euskal herritarren eskuetan bestelako politika ekonomikoa abian jartzeko. Igande honetan, maiatzaren 6an eguerdiko 12tan aurkeztuko dugu proposamen hori Iruñeako Labrit Pilotalekuan. Langileria eta herritar guztiak gonbidatuta daude parte hartzera. Guztion indarrak bilduz soilik egin dezakegu posible bestelako Nafarroa, bestelako Euskal Herria.

Asun Fernandez de Garaialdek nabarmendu duenez “oso esanguratsua da gauza hauek Nafarroan gertatzea, era injustu eta diktatorial batean ari dira disidentzia eta herri protesta zigortzen. Gure Nafarroa honetan, tarta batek lau urteko zigorra suposatu dezake eta bere presidentearen kezka ez da Nafarroak behar duena, Madrilen Rajoyk esaten duena baizik”

Asun Fernandez de Garaialdek kalera ateratzeko gonbidatu ditu nafar guztiak, “behar den guztietan, gure eskubideetan ez ditugu bankari eta multinazionalen onerako murrizketak onartuko ozen esan behar dugun guztietan”

Aralarreko koordinatzaileak “atxilotuta izaten ari diren pertsonen askatasuna” exijitu du eta Gobernuko ordezkariari zuzendu zaio, Alba andreari, “martxoaren 29 greban gertatukoaren zerbaiten aztarnaren berri badu epaiketara jo dezala, eta ez ditzala pertsonak polizialki atxilotu. Ez dator legearekin bat, eta ez da gizartean onargarria, funtsik gabeko aitzakiarekin Nafarroako gazteak atxilotzea”.

Aritz Romeok nabermendu duenez “UPN-k arloko lan txosten baten izaera ematen dio plan zuzentzaileari eta Nabairentzat oinarrizko txostena da udaltzaingoaren eredua finkatzen duelako, beraz, hiritarren adostasunetik eta adostasun politikotik jaio behar da. Agerian geratu dira hiria ulertzeko bi modu desberdinak, UPNrena eta hiriaren eredua eta udaltzaingoaren eredua ekarpen eta akordioaren bitartez eratu nahi dugunona.”

Nabaiko zinegotziak berriro esan du “udaltzaingoaren eredua zehazteko aukera dela, hau oinarrizko elementua baita hiriaren ereduaren garapenena” eta azpimarratu duenez udaltzaingoaren plan zuzentzaileak “egonkorra behar du izan, ezin da aldatu alkatea aldatzen den bakoitzean”.

Aritz Romeok “partaidetzaren beharrean” eragin du berriro, eragile sozial eta talde politikoen “adostasunarekin, Iruñeak behar duen udaltzaingoa eraiki behar dugu eta ez UPNren udaltzaingoa”

Artoa masiboki landatzeaz gainera, badira genetikoko aldatu dituzten eta landatzen ari diren beste espezie batzuk: soja edo lursagarra, esaterako. Nafarroan gaur egun mota horiek sartzen ari dira, eta gure tokiko produktuak baztertzen dituzte.

Errealitatea kezkagarri honek alde asko ditu, osasunean izan dezakeen eragina eta bestetik gure biodibertsitatean izan dezakeen eragina. Ezin ahaztu, bestalde, transgenikoen produkzioak nekazari eta abeltzainentzat suposatzen duena, merkatua kontrolatu eta monopolizatzen dituzten enpresekiko menpekotasuna handitzen baita. Enpresa horiek prozesu guztia kontrolatzen dute (hazia, pestizidak, ongarriak, eta produktuen komertzializazioa) eta menpekotasun eta defentsa gabezi ikaragarria sortzen dute.

Beraz, talde parlamentario honek honako proposamena egiten du:

EBAZPEN PROPOSAMENA

1.- Nafarroako Parlamentuak eska diezaiola Nafarroako Gobernuari mota alternatiboak bilatu, proposatu eta suspertu ditzala, aniztasuna bilatuz; horrela posible izango da transgenikoak ezabatzea.

2.- Nafarroako Parlamentua gure elkargoan transgenikoen produkzio masiboaren kontra dago eta mota honetako laborantzarako dauden lurren kopuruaren gutxitzearen alde agertzen da.

Aralar Nafarroako koordinatzaileak “koherentzia” eskatu dio PSNri “ezin da gauza bat esan eta kontrakoa egin etengabe. Rajoyren politika kritikatzen dute, murrizketen kontra hitz egiten dute, ezkerreko diskurtsoa egin nahi dute baina UPNrekin daude gobernuan, beraien beldurren preso dira eta Nafarroa porrotera eramaten ari diren politiken borreroak. Langabeziaren datu ikaragarriek eta Nafarroako BPG jaitsiera izugarriak, gizarterako kalte handiagoen seinale, argi uzten dute”.

Asun Fernandez de Garaialdek PSNri koherentziaz aritzeko eskatu dio “eta koherentziaz aritzeko gai ez bada, hobe da guztiontzat Nafarroako gobernutik alde egitea edo behintzat beteko ez duena ez aldarrikatzea”. Fernandez de Garaialdek Nafarroako eragile politiko eta ekonomiko guztiei deia egin die “justizia sozialean oinarritutako plan bat egiteko, krisiari aurre egiteko plan bat Nafarroa beheranzko bide honetatik ateratzeko”

Martxoaren 29ko grebak jarraipena izan behar du maiatzaren batean, gure eskubideen defentsa, gure eskubideen aldeko borrokaren aldarrikapena kalean izan behar da. Langileon eskubideen defentsan garrantzitsua da oso Maiatzaren lehen hau. Neurri neoliberalek txirotasunera eramaten gaituzte, hiritarron eskubideen murrizketa dute helburu eta horren kontra argi eta garbi azaldu behar gara.

Nafarroan, Euskal Herrian bezala, gure subirotasun ekonomiko eta politikoa da bidea, gure nortasunaren defentsa bidea da merkatuen erasoen kontra, eta baita estatu espainolak inposatu nahi dizkigun zentzugabeko neurrien kontra ere, Nafarroan gainera PSN eta UPNren laguntza dutenak

Nafarrei kalera ateratzeko deia luzatu nahi diegu, guri baitagokigu gizartea aldatzea, guk dugu gizartea aldatzeko indarra. Nafarroa, eta Euskal Herri berri baten aldeko lana egiteko konpromisoa hartzen dugu, justizia sozialean, eredu sostengarri batean eta gure subirotasunean oinarritzen den Nafarroa.

Xabi Lasa eta Manu Ayerdirekin batera aritu da Nabaiko parlamentaria, Txentxo Jimenez eta aldarrikatu duenez. “honek proiektu garrantzitsua izan behar zuen, erakunde publiko eta hiritarren arteko hartu emanetan abiapuntua markatu behar zuena”. “Horregatik”, segitu du Txentxok “emendakin sorta garrantzitsuak aurkeztu ditugu, lege honi modernitate, seriotasun izaera eta gizartearen parte-hartzea eta informazio eskubidean benetako edukiak eman liezazkioketenak”

Nafarroako gobernuak gaur egun indarrean dauden eta hiritarrak informatzeko beharra arautzen duten legeen menpe jarri nahi duela salatu du Txentxo Jimenezek, “horrek esan nahi du garrantzi gabeko arazoetarako geratuko dela, maila txikiarekin, eta gure ustez lege honek goreneko maila behar du, eta gizartearen informazio eta parte hartze eskubideak edozein gaietan arautu behar ditu”.

Nabairen emendakinen helburuak dira, besteak beste, eskubideen jabeak, hiritarrak izan behar direla, “inolako mugarik gabe, eta Nafarroako gizartea aberasten duten talde eta erakunde guztiak”

Nabaiko parlamentariak esan duenez “partaidetza, informazio eta gardentasun lege bat egin nahi badugu ezin dugu kanpoan utzi kontsultarako eskubidea. Legeak, kontsulta eskubidea barneratu behar du, Europa osoan arrunta eta normala da dagoeneko. Kontsulta zuzena parte-hartze erarik argiena da eta lege honek eskubide hau arautzeko beharra du”

Legeak hizkuntz errealitatea kontutan ez duela hartzen esan du Txentxo Jimenezek “Nabairen ustez administrazioak behartuta egon beharko luke informazio eskaera jaso duen hizkuntza berean erantzutera”

Bukatzeko Txentxo Jimenezek ordainsarien gaiari heldu dio “gure ustez ordainsariak eta beste edonolako diru sarrerak bateraezinak izan beharko lirateke, are gehiago, ordainsarien eredua ere ezabatuko genuke eta langabezi sistema ezarri gizarteak duen moduan”.