Hemen zaude: Hasiera › Herriz herri › Gipuzkoa › Albisteak › Aralarrek konfiantza botoa eman dio gobernu berriari 2012ko aurrekontuen aurrean abstentzio kritikoarekin

Aralarrek konfiantza botoa eman dio gobernu berriari 2012ko aurrekontuen aurrean abstentzio kritikoarekin

2011/12/23
Aralar abstenitu egin da Gipuzkoako Batzar Nagusietako osoko bilkuran 2012ko aurrekontuen gainean egin den bozketan. Rebeka Uberak, foru ganberako Aralarren eledunak, azaldu du berak ordezkatzen duen alderdiaren “abstentzio kritikoa erantzukizunez jokatzen eskatzen diguen egoera zail batean emandako konfiantza botoa dela. Testuinguru horretan, 2011ko aurrekontuak luzatzeak Gipuzkoako kontuak bideraezin egingo lituzkeen desoreka ekarriko luke diru-sarreren eta gastuen artean”.

Ildo horretatik, Uberak berretsi du 2012ko kontuak inflexio puntu izango diren itxaropena. “Hori 2013ko kontuetan islatu beharko litzateke. Berriro ere gogorarazi nahi dugu defizita murriztea ez litzatekeela izan behar ezkerreko gobernu baten lehentasuna, baina egoera zein den ikusten dugu eta badakigu aurreko gobernuetatik jaso duzuen herendetzia zein den. Zaharra ez da oraindik hil eta berria ez da oraindik jaio. Horregatik, gure abstentzioaren alde kritikoa adierazteaz gain, konfiantza botoa ere badela azpimarratu nahi dugu. Euskal Herrian noranzkoa aldaketa behar dugu, aldaketa ezkerretik eta bide horretan doanak Aralar izango du bidelagun”.

“Saiatu gara gure zuzenketekin aurkeztu zitzaigun proiektu hobetzen”, jakinarazi du Aralarreko ordekariak. “Emaitza ez da izan nahiko genukeen bezain oparoa, baina onartutako zuzenketak baliogarri izango zaizkie azken uholdeek kaltetutako nekazal ustiapenei, nekazaritza ekologikoko ustiapenak garatzearen aldeko apustua egin duten pertsonei, garraio publikoa hobetuta ikusiko duten herri txikiei eta Nazio bat Munduan proiektuari”.