Bilboko albisteak

Iñigo Cabacasen heriotzaren aurrean epel jokatzea leporatu dio Bizkaiko Aralarrek Bilboko Udaleko EAJ, PP eta PSEri

Asier — 2012-04-11T15:06:28Z

Bozeramaileen Batzordeak onartutako adierazpenak hipokrita eta faltsua dela deritzo Bizkaiko Aralarrek. “Hiru alderdiok beste batzutan kondenarako agertzen duten abiadura ez dute erakutsi oraingoan. Adierazpen epela onartu dute. Gertakariak argi daitezela eskatzea ez da nahikoa; beharrezkoa da erantzukizun politikoak exijitzea, Ertzaintzako arduradun nagusi Ares jaunarengatik hasita”.

Fiskaltzal dilijentziak abian jarri dituela kontuan izanda eta Iñigo Cabacasen heriotza gomazko pilota batek eragindako kolpeak eragin zuela baieztatu ondoren, Aralarrek Bilboko eta Basauriko udalei exijitu die akusazio partikular gisa jokatzeko. Alderdi abertzalearen esanetan, “hori egin ezean, de facto herritarren artean maila ezberdinak egitea da, eta hori erabat onartezina da”.

Amaitzeko, bihar (apirilak 12), eguerdiko 12:00etan, Bilboko udaletxearen zein Basauriko udaletxearen aurrean egingo den elkarretaratzeetan parte hartzeko deia egin du Bizkaiko Aralarrek, nahiz eta Bilboko Udaleko bozeramaileen batzordeak ez duen elkarretaratze horretarako deia egin, zoritxarrez.

29an beste eredu baten alde kalera ateratzeko deia egin du Aralarrek Bilbon

Prentsa — 2012-03-18T14:10:00Z

Zigor Isuskizak irakurri duen testua:

Ezker Abertzalea, EA, Aralar eta Alternatiba kalera atera gara gaur, behar-
beharrezkoa ikusten dugulako herritarrei zuzenean helaraztea kalera
ateratzeko unea dela. Hurrengo martxoaren 29rako greba orokorra deituta
dauka euskal gehiengo sindikalak, eta bizi dugun aldaketa eta krisi sistemiko
honen aurrean, euskal jendarteak agerian utzi behar du beste hainbatetan
adierazi duena: bestelako eredu sozio-ekonomiko eta politiko bat behar duela,
gizarte juxtu eta solidarioagoa eraikitzeko; eta hori burujabetzaren bidetik baino
ez dela etorriko.

Egiturazko krisi honen kudeaketa negargarriaren azken ondorioa Espainiako
Gobernuak onartutako lan erreforma da. Beste behin, krisi honetara eraman
gaituen eredu zaharraren kudeatzaileek jendarteko sektorerik ahulenen
krisiaren sorreran ardurarik izan ez dutenen kontra egin dute; kasu honetan,
langileria. Lan harremanen esparrua erabat liberalizatu dute, eskubide sozial
eta laboralei eraso zuzena eginez, negoziazio sindikala ezerezean utziz, eta
honek langileen lan baldintzetan ondorio latz eta tamalgarriak izango ditu.
Horregatik, orain inoiz baino indartsuago diogu lan harremanen euskal esparrua
inoiz baino beharrezkogoa dela.

Ez da eskuak gurutzatuta geratzeko garaia. Egiturazko krisi honetara eraman
gaituen eredua iraultzeko eta burujabetza politiko eta ekonomikoa baliatuta
herritarrak erdigunean izango diren gizarte eredua eraikitzen hasteko unea iritsi
da, indarrean daukagun ereduak porrot egin duela ageri-agerikoa delako. Guk,
gure aldetik, justizia sozialean oinarritutako alternatiba eraikitzeko konpromisoa
hartzen dugu. Martxoaren 29an eta bestelako eredu bat aldarrikatzeko egongo
diren mobilizazioetan parte hartzeko eta kalera ateratzeko unea da. Krisiaren
aitzakiapean inposatu nahi dizkiguten neurri murriztaile eta atzerakoei nahikoa
da esateko unea da.

ARALARrek jai-egunetan ez zabaltzearen alde deitutako mobilizazioetan parte hartzera deitzen du

Prentsa — 2012-03-09T08:55:00Z

Aralarrek bat egiten du sindikatuek eta merkatari txikiek zeukaten jai-egunetan ez irekitzeko akordioarekin. Orain, Bilboko alkate Iñaki Azkunak akordio hori apurtu gura du eta bere erabakia inposatu du, merkatari txikien langileen eskubideen aurka eginez. Aralarren iritziz, Azkunak merkatari handien interesen alde bakarrik jardun du.

Aralarrek EAJk hartutako erabakia salatzen du. EAJk sektorearen prekarizazioa bultzatzen du eta neurriak merkatari txikien desagertzea ekarriko du, gure auzoetako bizitza pobretuz eta neurri gabeko kontsumoaren alde eginez.

Aralarrek Bilboko udaletxeari eskatzen dio jaiegunetan dendak irekitzeko baimena atzera bota dezala

Prentsa — 2012-02-29T11:05:00Z

Aralarren iritziz, horrelako erabakiek ez diote inolako mesederik egiten jada kaltetuta dagoen sektoreari. Dendari txiki eta ertainek neurriaren ondorioak pairatuko dituzte, eta denda horiek dira Bilboko auzoei eta kaleei bizitasuna eta kolorea ematen dietenak. Udaletxeak, aldiz, empresa handien interesen alde egiteko erabakia hartu du, dendari txikien egoera kolokan jarriz.

Aralarrek Bilbo bizia eta plurala gura du, eta iritzi dio herritarrak ez direla kontsumitzaile soilak. Horren gainetik pertsonak gara eta sektorean lan egiten duten guztiekiko elkartasuna adierazi gura dugu.

EAJk Santurtziko herritarren aldarrikapenak eta kritikak isilarazteko egin duen saiakera salatu du Aralarrek

Prentsa — 2012-02-28T11:25:00Z

Santurtziko Aralarrek salatu du EAJk gaurko osoko bilkuran izan duen jarrera. Jeltzaleek osoko bilkuren aretoa beteta zegoenaren aitzakia erabili dute, herritarren, gizarte mugimenduetako ordezkarien eta alderdi politikoen ordezkarien (tartean Aralar) presentzia ekidinez. Horrela, Aralarren iritziz, EAJren helburua izan da Santurtziko herritarrei udaletxearen kontuen egoera erreala ezkutatzea (gai-ordeneko lehenengo puntua hori izan da) eta horretarako, EAJ bere militanteei deia zabaldu die, osoko bilkuren aretoa betetzeko.

“Egin dutenak agerian uzten du herritarren aldarrikapenak eta kritikak isilarazteko saiakera izan dela, kritika horien beldur direlako. Itxarotekoa zen, plenoaren ordua ikusita, jende gutxi izatea”, esan du Santurtziko Aralarren koordinatzaile Ruben Digonek. “Etengabe ari dira gardentasuna, demokrazia eta parte-hartzea goraipatzen, baina errealitatea guztiz kontrakoa da, helburu partidistekin jokatzen dute eta hitz horien benetako esanahia erabat indargabetzen dute”, salatu du Digonek.

Aralarrek Garoña ixtea eskatu du Iberdrola Dorrearen inaugurazio ekitaldian

Prentsa — 2012-02-21T11:59:48Z

Hurrengo hitzordua martxoaren 10erako jarri dute, arratsaldeko 17:30ean manifestazioa egingo da, “Garoña itxi orain. Fukushima gehiagorik ez” lelopean. Manifestazioa PPren egoitzaren aurrean dagoen Jesusen Bihotza plazatik aterako da, eta Iberdrolako Dorreraino joango da (Euskadi plaza).

34 elkarte, sindikatu eta alderdik babestu dute hitzordua.

Aralarrek bat egin du inauteriei begira Bilboko Konpartsek egin dituzten aldarrikapenekin

Prentsa — 2012-02-06T12:28:53Z

Joan zen astean Bilboko konpartsek eta eragileek egindako prentsaurrekoan, hurrengo testua irakurri zuten (www.bilkokonpartsak.com webgunean eskuragarri dago informazio guztia):

Bilboko Herri Mugimenduaren kideei

Kaixo,

Bilboko Konpartsaketik zuengana jotzen dugu 2012ko inauterien inguruko hausnarketa batzuk luzateko asmoz.

Jakingo duzuenez pasa den astean Udaletxean Jai Batzorde Mixtoaren bilera izan genuen eta bertan PNVk bere erabakia inposatu du: ez da desfile bateratua egongo Gran Viatik.

Honen aurrean eta kontuan izanda azken bizpahiru urteetan konpartsetatik lan amankomuna egin dugula Bilboko hainbat sektoreekin jai eredu herrikoiaren aldeko defentsan eta bereziki inauterietan desfile bateratu bat egitearen alde, aurten Konpartsen erabakia Hurtado Amezagatik desfilerik ez egitea izan da.

Erabaki honen bidez kontu batzuk azalarazi nahi ditugu:

Bideratzen ari diren Batzorde Mixtoaren eraginkortasun eza.
Jai ereduan eredu mixto eta partehartzailea bizirauteko dagoen arriskua.
Bilbon jai esparruan alkatearen gustokoak ez diren jendarte errebindikazioak egiteko dagoen zentzura eta debekua.
Jai esparruan, bai Aste Nagusian baita inauterietan ere, Alkatearen “ego” erraldoiak probokatzen ari den egoera gatazkatsua.
Bilboko Konpartsetako asmo tinkoa: egoerari buelta emateko eta elkarlanean jai herrikoiak eta partehartzaileak bultzatzeko. Batez ere 1978an sortutako jai ereduari jarraituz eta hauxe bera hobetuz.

Badakigu (gureak) jai esparruaren inguruko hausnarketak direla eta zuetariko askok iritzi berekoak zaretela (konpartitutak), baina badakigu ere antzeko egoerak bizitzen ari direla Bilboko beste hainbat eremutan (Bilbon).

Kontaktu honen bitartez animatu nahi zaituztegu hausnarketa horiek hemendik eta inauterietara publiko egitera, guztion artean eraginkorragoak izango garelakoan eta egun bizi dugun egoerari buelta emateko aukera gehiago izango dugulakoan.

Era berean inauterietan parte hartzeko konbidapena luzatzen dizuegu: tostada eta pontxeen txapelketetan, farolin eta zarambolasen epaiketan, trapu zaharrakeko kalejiran, indaba txapelketan, edo eta sardinaren erreketan. Baina bereziki otsailaren 18an Alde Zaharretik eta Bilbo Zaharretik konpartsekin batera giroa berotzen eta zuen mozorroen bitartez bakoitzak nahi duenaren kritika garratzak botatzeko, ironikoak eta satirikoak izateko.

Eskerrik asko, guztion artean Bilbon jai herrikoi eta partehartzaileen alde lan egingo dugu!

Aralarrek Metro Bilbaoko langileen mobilizazioan parte hartu du

Asier — 2012-01-19T13:25:21Z

Aralarren ustez, behar beharrezkoa da Metro Bilbaoko langileen eta zuzendaritzaren arteko elkarrizketak berriro abian jartzea, era horretara lan gatazkarekin eta horren inguruko iskanbilekin amaitzeko. Hala, langileek elkarrizketarako duten borondatea txalotu du. Bestalde, Aralarren ustez ez da bidezkoa Metro Bilbaoko langileen bizkar gainera bota nahi izatea gertatzen ari diren arazo guztien erantzukizuna.

Bilboko Metroaren lan-gatazkan Lehendakariak egindako esku-hartzea salatu du Aralarrek

Asier — 2011-12-15T13:36:52Z

Aralarreko ordezkariak gogoratu dionez, “bere buru Ajuria Eneatik kanpo ikusten badu ere, oraindik ere EAEko Lehendakaria da, eta horren araberako jarrera izan behar du, populismoan erori gabe. Egun jakin bateko lan-gatazka baten erdian sartu beharrean, La Naval edo Gruas Aldaiturriaga eta beste hainbat enpresetako gatazketan bai egin behar zuen esku-hartzea, ERE eskaera horiek baztertuz, horren ondorioz familia asko geratu direlako langabezian”.

Era berean, langileak aurrez-aurre jartzeko egindako ahalegin “arduragabea eta lotsagabea” salatu du Aralarrek. Izan ere, Lehendakariak soldatak eta balizko lan-segurtasuna jarri ditu mahai gainean, erabili dituen datuak egiazkoak ez direla jakin arren, lan batzordea eskatzen ari dena zuzendaritzarekin adostuak dituen zenbait kontzeptu betetzea, orain betetzen ez direnak. Bere burua ezkerrekotzat duen gobernu bateko gidari batengatik espero genuen azkena langileak aurrez-aurre jartzea zen”.

Aralarren ustez, Lehendakariaren jarrera “moralik gabekoa eta hipokrita” izan da, “grebarako eskubidea praktikan jartzeak herritarrei eragin ahal dizkien kalteak erabili dituelako, eta ahaztu egiten delako bere gobernuak egiten dituen murrizketek kalte handiak egiten dituztela herritarren artean, eta ez egun bakar batean, baizik eta egunero”.

Dani Maezturen ustez, Lehendakariaren jarrera "arduragabea eta populista" da.

Eragile sindikal, sozial eta politikoek babesa adierazi diete gazte independentistei

Iñigo Olabarri — 2011-11-24T11:30:00Z

Aralarrek, beste hainbat eragileren artean, gazte horietako zenbaiten testigantzak entzun eta gero, jasan duten egoera tinko salatu du. “Gazte horien eskubide zibil eta politikoak urratuak izaten ari dira beraien jardun politiko publikoa dela medio. Oso larritzat jotzen dugu jazarpen horien atzean indar polizialak izatea, herritarren zaintza beren gain hartzen dutenak izatea euskal gazteriaren sektore bat kikildu nahian dabiltzanak”.

Prentsaurrekoan ziren eragileen aburuz, “zaila da ulertzen zuzenbide estatu baten markoaren baitan indar polizialen erabilera politikoa egitea. Are gutxiago sistemaren kontrako kritika adierazten duten gazteen kontra egiteko. Euskal Herriak fase politiko berria bizi du: gatazka politikoa gainditzeko fase politikoa. Azken urtean hainbat eragile sozial, sindikal eta politikok gure indarrak batu ditugu konponbiderako prozesu bat abiarazteko. Ekimen horietan gazte independentistek izan duten konpromisoa azpimarratu nahi dugu”.

“Oraindik ere iraganera eraman nahi gaituztenak badira”, azpimarratu dute agerraldian ziren eragileek, “blokeo egoerara lotu gaituztenek ez dute nahi ez bakerik ezta normalizazio politikorik ere. Gazteak, egiten duten lan publikoagatik jarraitu eta jazartzen dituzten indar polizialek ez dute nahi ez bakerik ezta normalizaziorik ere. Ez haiek, ezta beren arduradun politikoek ere. Horregatik, gure babesa adierazi nahi diegu beren jardun politikoarekin jarrai dezaten, eskubide guztia dutelako biltzeko, antolatzeko, pentsatzen dutena esateko eta esaten dutena egiteko”.

Aralarrek Kukutzari elkartasuna adierazteko manifestazioan parte hartu du

Asier — 2011-09-30T08:31:56Z

Errekaldeko Auzo Elkarteak eta Kukutza kolektiboak deituta atzo arratsaldean Bilboko kaleetan egin zen manifestazio jendetsuan parte hartu zuen Bizkaiko Aralarrek. Bertan izan ziren Bizkaiko erakunde politiko, sindikal eta sozial gehienak. ‘Denok gara Kukutza’ lelopean, milaka pertsonak parte hartu zuen mobilizazioan, gaztetxeari elkartasuna agertu eta hamar urte baino gehiagoan egin dituzten jarduerak babesteko, kogestioaren, elkarlaguntzaren eta Azkuna jaunak mespretxatu duen auzo batekiko konpromiso moduan.

Manifestazioa egingo dute ostegunean, Kukutzari elkartasuna adierazteko

Asier — 2011-09-28T11:46:29Z

Gaurko agiri bateratua:

Kukutzaren desalojo eta eraispena eta proiektu sozial honenganako edoizen motatako elkartasnnaren a(ierazpena galarazi nahi izan duen indarkeria eta basakeriapolizialaren aurrean era guztietako gizarte eragile, sindikatu eta alderdi politikoak ekimen honi eta, oro har, sorkuntza eta kultura aniztasuna, aniáasun sozial eta politikoa, ekoizpen alternatiboak, lekuan lekuko sorkuntza defendatzeko eta bultzatzeko ekimenei gure babesa emateko elkartu gara. Zentzu horretan Kukutza proiektuari gure babesa eta elkartasun osoa eskeintzen diogu.

Egun hauetan eman den manipulazioa, eskubide zibilen erabateko urraketa eta botere publikoek (politikoek) proiektu sozial honen zein euren elkartasuna adieraáeko kalera atera den jendearen kontrako desitxuratze eta krimi nafizazioa salatzen dugu.

1. Bilbon, azken egunetan biziizan dugun egoeraren erantzule zuzenakizan diren Bilboko alkatearen, Iñaki Azkuna, bete gobernu taldearen eta Bame Sailaren burua den Rodolfo Aresen dimisioa eskatzen dugu.

2. Aste ilun honetan, salbuespen eta setio egoera batbizi izan dugu eremu guztietatik fiudiziala, politikoa eta poliziala) Gainera, egoera nau ¿eta eta, sortu den tentsio eta {atazkaegoera ,haien jokabide justifikatzeko erabili dute. Honek, erantzunkizun politikobatizatpaeskatzen dugu.

3. Atxiioketa indiskriminatuen ondorioz atxilotuak izan diren guztien gaineko karguak bertiln behera geratzea eskatzen dugu.

4 . Ekitaldi honen bidez Udalaren etengabeko ezézkoaren aurreko gure haserr ea adterazi nahí dugu. Izan ere, Udalak Errekalde aüzoa eta Bilbolo beste pertsonen beharrak entzun eta asetu beharrean, interes espekulatzaile ilunen menpe jokatzen du.

5. Alternatiba sozialak eraiki eta mundu ezberdin eta hobe batekin amets egiten dugun pertsonaeta eragileek pairatu dugunjazarpen eta erasoa salatzen dugu.

6. Elkartasuna, manifestazioak egiteko eskubidea, ¿dis¡azpen askatasu¡ra eta proiektu alternatiboak bortizki erasotuak izan beharrean, hauek eredutzat hartuko dituen gizarte berdintsu eta justuagoaren aldeko lana defendatu eta bultzatzen dugu.
Gu guáiok , parfnidetza sozialaren aldeko konpromesua eta era batean edo bestean, euren eskubideen urraketa pairatu edo pairatzen duten pertsona guztienganako elkartasuna adierazten dugu.

Kukutza hartzen duen eraikina eraisteko baimena emanda, kultur proiektu oso bat eraitsi nahi dela ohartarazi du Aralarrek

Asier — 2011-09-23T12:10:00Z

Zentzu horretan, Aralarrek (EArekin eta EBrekin batera) Blanca Urgell kultura sailburuaren agerraldia eskatua dauka, egun Kukutza hartzen duen eraikina, daukan balio sozial eta kulturalarengatik, babesteko asmoa aurreikusten duen galdetzeko.

Bestalde, Iosu Murgiak nabarmendu eta salatu nahi izan du Kukutza hustutzeko eta orain eraisteko erabakiaren prozesuan agerian geratu dela instituzioek, eta kasu honetan Bilboko Udalak, beste edozein herritarrek derrigorrean eta zorrotz bete behar dituzten eginbeharrak eta zereginak ez dituela horren zorrotz betetzen.

Amaitzeko, Aralarreko ordezkariak dei egin die alde guztiei erabakiaren aurrean modu baketsuan jarduteko. Hala, Kukutzaren balioa gorde nahi duten herritarrei indarkeria erabili gabe eta desobedientzia zibilaren bidetik erantzuteko eskatu die, eta indar polizialei, bestalde, gehiegikeriak ez egiteko eta neurrizko erantzuna emateko eskatu die.

Aralarrek Azkunaren jarrera salatu du, Kukutzaren auzian tentsio handiagoa, demagogia eta manipulazioa eragiten ari delako

Asier — 2011-09-22T11:22:35Z

Azkuna gezurretan ari da, hustutzearen kontra protesta egiten ari zirenak poliziaren kontrako jarrera bortitza izan zutela agertzen duenean. Gezur hori gero eta handiagoa da; arrautzak eta irina bota zutela esan zuten hasieran, eta orain adreiluak, su-itzalgailuak, suziriak eta bestelako tranpetaz hizketan ari dira. Errekalden mina eragin dezaketen izan zen material bakarra manifestari baketsuen aurka jaurti zituzten pilotak eta kartutxoak izan ziren.

Azkunak demagogia baino ez du egiten, Kukutzak “nahi duena eta nahi duen erara okupatzea” bakarrik nahi duela esaten duenean. Iosu Murgia Bizkaiko Aralarreko koordinatzaileak Azkunari gogoratu dio Kukutzak 8 urtez jabeek eta Udalak utzita zeukaten fabrika bat berreskuratu baino ez duela egin; era berean, inguru hori drogaz, eta segurtasun eta garbitasun faltaz betea zegoela nabarmendu du. “Errekalde auzoko puntu beltza zen”, aipatu du. “Puntu beltza zen, baina Kukutzak kolorea eman dio, eta azken 13 urteotan egin dituen ekitaldi sozio-kulturalak Bilboko Udalak Errekalden egin dituenak baino dezente gehiago dira”.

Era berean, Aralarrek azpimarratu du Bilboko Udalak, Azkuna eta Barkala buru izanda, behin baino gehiagotan ez dituela bete hirigintza arauak, Deustuko kanalaren kasuan agerian geratu zen bezala eta Kukutzako kasuan agerian geratuko den moduan.

Kukutzaren gaineko gatazkan elkarrizketaren aldeko hautua egin eta indarra erabiltzeko albo batera utz dezaten eskatu dute Bilduk eta Aralarrek

Asier — 2011-09-14T12:11:06Z

Interes publikoak pribatuen gainetik egon behar direla ozen aldarrikatu dute Errekalde auzoak zein Bilbotar gehienek azken urteotan eta, bereziki, azken hilabeteotan. Horren ondorioz, Kukutza salbatu ahal izateko aterabideak (egon badaude) bilatzea eta martxan jartzea da instituzioen ardura.

Egun Kukutza herritarrez beteriko gune bat da. Bertan haurrak zein helduak parte hartzen ari dira Gaztetxeak antolatutako ekimen desberdinetan.

Honen aurrean, deia luzatzen diegu instituzio publikoei gatazka konpontzeko elkarrizketaren eta negoziazio sozialaren aldeko hautua egin dezaten eta inposaketa eta indarra erabiltzeko aukera albo batera uzteko.

Enpresaren, Udalaren, Errekaldeko bizilagunen eta Kukutzaren arteko negoziazio bideak zabaltzea eskatzen dugu, ondorio larriak saihestuko duen irtenbide orekatu bat lortzeko helburuarekin.

Bukatzeko Gasteizko gobernuko Barne Sailburuari husteko agindua ez betetzeko eskatzen diogu, maiatzaren 21ean egin zuen bezala. Izan ere, egun horretan, hausnarketa egunean, ehunka lagunek egun osoa eman zuten Arriagan elkartuta, epaileek kontrakoa agindu arren eta Ertzaintzak plaza husteko agindua izan arren. Ezin ahaztu Kukutzaren barruan hainbat pertsona daudela, hauek eusteko gogoa berriki agertu dutela eta, ondorioz, indarrez utzarazteak istiluak eta pertsonenganako arriskuak ekar lezakeela.