Iosu Murgia: “Zeharo eskumara egin du Bizkaiko errealitate politikoak”
- Murgia
Bizkaiko egoera politikoa eta soziala “arduraz” bizi du lurralde horretako Aralarren buruak. “Zeharo eskumara egin du Bizkaiko errealitate politikoak”, adierazi du. “EAJk eta PPk mozorroa kendu zuten aspaldi eta bi alderdien artean hainbat gauza adostu zituzten, zergen eta peajeen inguruan lortutako akordioak ditugu horren adibide. Baina orain, aurrekontuen inguruan ere adostasuna lortu dute eta alor sozialean murrizketak egingo dituzte”, salatu du Murgiak. Bere iritziz, “onartu diren aurrekontuetan, 11 eurotik bakarra bideratuko da gai sozialetara”. EAJk “gezurra esaten du Bizkaian alor soziala inon baino gehiago laguntzen esaten duenean”.
Aralarren “2012a barrura begira hasteko asmoa dugu”, azaldu du Murgiak, “ideologikoki gure militantziarekin lan ildoak finkatzen hasiko gara, gure ideologia lantzen eta gai sektorialak ere jorratuz”. Koordinatzailearen iritziz “gaurko egoera ikusita, ezkerrak beharrezkoa du hausnarketa eta eztabaida sakona egitea; etorkizunean ezker abertzale sendo bat eraiki gura badugu, argi izan behar ditugu ezkerretik egiten ditugun planteamenduak zeintzuk diren”. “Aralarrek bere bidea egingo du eta ezkerreko posizionamendu kualitatitabo hori ere eskainiko dio etorkizuneko ezker abertzaleari”, gaineratu du.
Albiste erlazionatuak
Bizkaia
- Alternatibak, Aralarrek, EAk eta ezker abertzaleak beren proposamen sozioekonomikoa aurkeztuko dute larunbatean, EHUren Bilboko Paraninfoan
- Durangoko Aralarrek udal gobernuak aurrekontuen inguruan daukan "seriotasun falta" salatu du
- Barakaldon edateko uraren kalitatea bermatzea lortu dutelako, poztasuna agertu dute eragile sozial eta politikoek
- Aralarrek Aldundiari leporatzen dio Bizkaibuseko zerbitzuak kendu izana, udalekin zerbitzua emango dela bermatu aurretik