Aralarrek elkartasuna adierazi nahi die etxeko-langileei
- Aralar
- Elkartasuna
- Lan istripua
- Murgia
Aralarretik gure dolumina eta elkartasuna adierazi nahi diegu joan zen larunbatean lan-istripuz hil zen etxeko langilearen senitarteko eta lankideei. Santurtzin izan zen lan istripuak berriz ere agerian utzi du etxeko langileek bizi duten lan egoera txarra. Hori dela eta, Aralarrek etxeko-langileen egoera kaxkarra salatzeaz gainera, egoera horrekin behingoz amaitzeko erabaki irmoak hartu behar direla adierazi nahi du. “Kasu askotan, gehiegitan, kontraturik gabe eta gizarte segurantzarik kotizatu gabe lan egiten dute”, adierazi du Bizkaiko Batzar Nagusien bozeramaile Josu Murgiak. “Bada garaia egoerari buelta emateko, lan-baldintzak duintzeko eta lehenengo ordutik, eta baldintzarik gabe, gizarte segurantza barruan egoteko”.
Bestalde, agentzien jarduera kontrolatzeko beharra azpimarratu du Murgiak, “ordutegirik gabeko lana, asegururik gabe, eta oporraldirik eta askotan egun librerik gabe aritzen dira eta horrelako gehiago gerta ez dadin ikuskaritza-lan orokorra, sistematikoa eta iraunkorra indarrean sartzea behar-beharrezkoa” dela iritzi dio. Era berean, “Lanbidek etxeko langileen enplegua beregain hartzea eta hori erakartzeko ahalegin bereziak egitea” ezinbestekoa dela azpimarratu du.
Albiste erlazionatuak
Bizkaia
- Alternatibak, Aralarrek, EAk eta ezker abertzaleak beren proposamen sozioekonomikoa aurkeztuko dute larunbatean, EHUren Bilboko Paraninfoan
- Durangoko Aralarrek udal gobernuak aurrekontuen inguruan daukan "seriotasun falta" salatu du
- Barakaldon edateko uraren kalitatea bermatzea lortu dutelako, poztasuna agertu dute eragile sozial eta politikoek
- Aralarrek Aldundiari leporatzen dio Bizkaibuseko zerbitzuak kendu izana, udalekin zerbitzua emango dela bermatu aurretik
Aralar
- Aralar Nafarroak salatu du “Nafarroan BPGren jaitsiera kezkagarriak” Nafarroako Gobernua txarto ari dela argi uzten duela.
- Maiatzaren 1ean parte hartzeko deia egin dute Aralar Gazteek
- Aralarrek, Batasunak, EAk eta Alternatibak maiatzaren 1ean aurkeztuko dute beren alternatiba sozio-ekonomikoa Nafarroan
- Xabi Lasa: “Ongizate Estatua hutsaltzen ari dira UPN eta PSN Rajoy-ren gobernuak markatzen duen erritmoan”