Aralar: “Auzitegi Gorenak berretsi egin du Barakaldon PSE-EEk arbitrarioki jokatu duela”
Auzitegi Gorenak ELA sindikatuari arrazoi eman dio. Tontxu Rodriguez buru zuen udal gobernuak 2005ean sortu zituen 30 lanpostuak baliogabe utzi ditu eta udal gobernuak egiten duen kudeaketa arbitrarioa zela berretsi du, Euskadiko Auzitegi Gorenak adierazi zuen ildotik. Lanpostu berri horiek balio gabe uzteaz aparte, udal gobernuak indarrean jarri zuen lanpostuen zerrenda ere atzera bota du.
Aralarren iritziz, bada garaia PSE-EEk lan harremanen arloan kudeaketa txarra egin duela onartzeko. Arbitrarioak izan ziren irizpideen arabera ordaindutako dirua berreskuratzeaz gain, langileen ordezkaritzarekin benetako elkarrizketa bat hasteko eskaera luzatzen diogu. Horrela, beharrizanen arabera legezkoa den lanpostuen benetako zerrenda finkatuko litzateke.
Alderdi abertzaleak iritzi dio udalak emandako irudia patetikoa izan dela, sententziak daukan garrantzia murriztu duelako eta beste hainbat udalei ere sententzia berdina aplikatu zaiela aitzakia moduan jarri duelako. Jarrera hori, pairatzen duen harropuzkeriaren adibidea baino ez da.
Albiste erlazionatuak
Bizkaia
- Alternatibak, Aralarrek, EAk eta ezker abertzaleak beren proposamen sozioekonomikoa aurkeztuko dute larunbatean, EHUren Bilboko Paraninfoan
- Durangoko Aralarrek udal gobernuak aurrekontuen inguruan daukan "seriotasun falta" salatu du
- Barakaldon edateko uraren kalitatea bermatzea lortu dutelako, poztasuna agertu dute eragile sozial eta politikoek
- Aralarrek Aldundiari leporatzen dio Bizkaibuseko zerbitzuak kendu izana, udalekin zerbitzua emango dela bermatu aurretik