SOS Kultura
Jon Abril
2010/12/21
Kultura Ministerioak izendatutako batzorde batek erranen du zer den onargarria eta zer ez interneten. Epaileen gainetik, eurek erabakiko dute eduki batzuk webguneetan jar daitezkeen edo ez. Guztia egile eskubideen izenean. Guztia pirateria ekingo denaren izenean. Ez. Hori ez da ez egileak defenditzea, ez kultura babestea, ez pirateriari aurre egitea. Hori lobbyak, kultura industria erraldoiak, multinazionalen interesak babestea da.
Sarean irakurri dut Corcuerak atean ostikoa emanda edozeinen etxeetan sartzerik zuela idatzitako legearen antzekotasun handia duela. Eta ez zaio arrazoirik falta. Gizartea aldatzen ari da, teknologiek kulturarekin dugun harremana aldarazi digute. Eta horretara guztiok egokitu behar dugu, erabiltzaileok, egileok, baina baita kultur eragileok, eta bereziki kultura industriek. Kultura sortzeko, zabaltzeko eta kontsumitzeko moduak aldatu dira. Kultura gauza bizia da, eta gizartearekin aldatu behar du. Hala bedi!
Egile eskubideen kudeaketa ilun eta ankerrarekin bukatu beharra dago. Egileak aitortu behar dira, baina egungo ereduek ez dute balio.
NhFiDH <a href="http://ebvuxrnsxief.com/">ebvuxrnsxief</a>, [url=http://fmkleaqgfjjs.com/]fmkleaqgfjjs[/url], [link=http://keliarhzokez.com/]keliarhzokez[/link], http://fnxyncesqmyj.com/