Zabaleta: “Manifestazio honek agerian uzten du euskal gizartea dela prozesua bultzatzen duena”
Aralarreko ordezkaritza zabal bat izan da, gaur arratsaldean, euskal presoen eskubideen alde Bilboko kaleetan egin den manifestazioan. Patxi Zabaleta Aralarreko koordinatzaile nagusiarekin batera izan dira, besteak beste, Dani Maeztu koordinatzaileordea, Rebeka Ubera antolaketa idazkaria, Asun Fernandez de Garaialde Nafarroako koordinatzailea, Oxel Erostarbe legebiltzarkidea edota Jon Iñarritu Amaiurreko diputatua.
Manifestazioa hasi aurretik Zabaletak adierazi duenez, “manifestazio hau garrantzitsua ez ezik arrakastatsua izan dela ez dago zalantzarik”. Gaineratu duenez, “manifestazio honek suposatzen du euskal gizartea dela hemendik aurrera prozesu hau bultzatzen duena eta bera dela protagonista”.
Aralarreko koordinatzaile nagusiaren hitzetan, “gaur beste behin egiaztatu ahal izan dugu euskal gizartearen zeregin eta asmo nagusien artean dagoela presoen eta iheslarien arazoa konpontzea, mundu guztian konpondu izan den bezala”.
Aralarkideak albiste
-
Aralarren koordinatzaile nagusia eta Nafarroako parlametuko parlamentaria