Hemen zaude: Hasiera › Aktualitatea › Albisteak › Nafarroa Baik gobernuari eskatu dio azal dezala hezkuntzan egindako murrizketekin zenbat aurreztu duen

Nafarroa Baik gobernuari eskatu dio azal dezala hezkuntzan egindako murrizketekin zenbat aurreztu duen

2011/08/31
  • Nekane Perez
  • Nafarroa Bai
Nekane Perez Nafarroa Baiko parlamentariak galdera egingo dio Nafarroako gobernuko Hezkuntza sailburuari. "Zentro publikoetan egin diren plantila murrizketekin ze diru kopuru aurreztu den" azaltzea eskatuko dio. Era berean, Perezek ikastetxe kontzertatuen egoeraren inguruan ere galdetuko dio, "murrizketak egin diren eta aurreztu den dirua ezagutze aldera".

Nekane Perezek deitoratu egin du PSN eta UPNren jarrera, "derrigorrezko hezkuntzan eta unibertsitatean, hezkuntza pribatuaren aldeko apustua egiten jarraitzen baitute". Perezek ohartarazi du murrizketak oso modu oharkabean egiten ari direla, "baina onartezina da murrizketa horiek, batez ere, hezkuntza publikoetan egin izana".

Hezkuntza arloko Nafarroa Baiko bozeramaieak salatu du "testu liburuekin gauza bera egiten ari direla. Politika sozialtzat saltzen digute, alegia, gutxien dutenek gutxiago ordainduko dutela esaten dute. Baina gero ez da gauza bera egiten zergak odaintzerako orduan".

Nekane Perezek gogoratu du "testu liburuen dohakotasunaren aldeko apustua egin zela, ez dirua soberan zegoelako, baizik eta hezkuntzaren dohakotasunaren aldeko apustua egin zelako". "Orain UPNk eta PSNk atzerapausoak ematen ari dira gai horretan".

Parlamentariak defendatu du dirulaguntzak errentaren araberakoak izatea, baina laguntza horiek osagarriak izatea, "bestela, erdiko errentak izango dira kaltetuenak, horiek ordaintzen jarraituko baitute".