Lopezen diskurtsoa konpromisorik hartzen ez duen gobernuaren diskurtsoa dela iritzi dio Aralarrek
- lopez
- abril
Diskurtsoaren edukiari
dagokionez, Abrilek salatu egin du Lopezek, beste behin ere, “
bakea eta denok desio dugun ETAren amaiera nahastea”. Abrilek
gogoratu duenez, “bakeak sufrimendu guztiak aitortzea eta
gainditzea eskatzen du. Aldiz, Lopezen gobernuak ez du ahalegin
nahikorik egiten bide horretan”. Hori dela eta, “herri honek
adiskidetasunean oinarritutako bakea behar duela” gogorarazi dio.
Bizi dugun krisiari
dagokionez, Abrilen ustez, krisiaren ondorioak gehien pairatzen ari
direnekin oroitu den arrren egindako mezuan, “bere politiketan
zigortuenak izaten ari dira hain justu herritar horiek. Laguntza
sozialetan murrizketa gehien egiten ari den gobernua da Lopezena. Are
gehiago, sozialistak dira, bai Madrilen zein Gasteizen langileen
eskubideak murrizten ari direnak”.
Kritika zehatza egin dio
Abrilek Lopezi modernitatea Abiadura Handiko Trenarekin eta ingelesa
eskoletan sartzearekin lotzen duelako. “Ez da egia AHTk eskualdeen
arteko komunikazioak hobetuko dituenik, ez herri hobea izanen
garenik. Gizarte honen kohesiorako, eta sozialki zein kulturalki
aurrera egiteko, modernoa euskara sustatzea da. Legeak dioenaren
kontra ari da neurriak hartuz ikasleek derrigorrezko eskolaldia
amaitzean herri honetako hizkuntza ofizial biak jakin dezaten bermatu
gabe”.
Albiste erlazionatuak
lopez
- Aralarrek Lopez kritikatu du “titularrak ematetik harago ez duelako erabakirik hartzen”
- Ezenarro: "Ihesean eta hirugarren batzuetan ezkutatzen den gobernua da Lopezena"
- Ezenarrok “joko bikoitzean aritzea” leporatu dio Lopezi, sozialistek sustatutako murrizketen ardura PPri egozteagatik
- Aralarren ustean Ana Urtxuegiaren jardunaz susmatzeko zantzu nahikoa dago, eta Lopezi eskatu dio berehala kargutik kendu dezala