Hemen zaude: Hasiera › Aktualitatea › Albisteak › Legebiltzarrak Aralarren proposamena onartu du eta eredu energetikoaren inguruko debatea zabaltzea onartu du

Legebiltzarrak Aralarren proposamena onartu du eta eredu energetikoaren inguruko debatea zabaltzea onartu du

2009/06/12
  • Garoña
  • Ingurumena
Garoñak duen baimena luzatzearen aurka agertzeaz gain , egungo eta etorkizuneko eredu energetikoaren inguruko eztabaida bultzatzea onartu du Eusko Legebiltzarrak Aralarrek egindako gehitzeko zuzenketa bati esker

Eusko Legebiltzarreko osoko bilkurak Garoñako zentral nuklearraren baimena ez luzatzearen alde bozkatu du. Jatorrizko legez besteko proposamenari Aralarrek proposatutako bi puntu gehitu zaizkio. Aralarrek “zentral nuklearrak euren bizitza-baliagarria bete dutenean ixtea” planteatzen zuen lehenengo artikuluak. Bigarrenean aldiz, energia politikak “gizarteak duen beharrizanen arabera egitea eta energia aurreztea sustatzean” oinarritzen da.

Aralarren legebiltzarkide Dani Maeztuk azaldu duenez, "Garoñako zentrala ixtea premiazko deritzogu, baina zentralaren beraren itxieratik haratago eraman behar dela eztabaida iritzi diogu: aukera hau gure gizartearen eredu  energetikoaz eztabaidatzeko balio beharko genuke, eredu orekatu baten alde jo behar dugulako”.  Orekatua litzateke, Maezturen hitzetan, “lobbie ekonomikoetatik aldendu eta gaur egun dugun beharrizan energetiko errealean” errotzen den sistema.

Legebiltzarreko ordezkatuta dauden ezkerreko alderdiek eredu energetikoaren eta gaur egun bizi dugun garapen ereduaren inguruko debatea irekitzea onartu dute. Aralarrekin batera, Ezker Batua eta PSE-EE alderdiek baiezkoa eskaini diote proposamenari egindako zuzenketari.

 

Jatorrizko legez besteko proposamena

Aralarrek egindako gehitzeko zuzenketa

Iritzi artikulua