Kooperatiben lege aldaketarekin aurrera egiteko asmoa duen argitzea eskatu dio Aralarrek Lehendakariari
- Erostarbe
- Lana
Izan ere, Patxi Lopezek kooperatiben mugimenduari leporatu die legearen erreforma ez gauzatzea, baina Erostarbek gogoratu duen bezala, “Legebiltzarreko batzordean bertan kooperatibistek azaldu zuten gobernuak presionatu zituela, beraiek idatziz jaso zezaten euren eskaria zela lege erreforma orain ez egitea”.
Gobernuak, kasu honetan Gemma Zabaletaren ahotik, Lopezek ez baitu galdera erantzun, ukatu egin ditu presionatu egin dituenik kooperatibetako ordezkariak eta haiei dagokiela auzia argitzea iritzita itxitzat eman du eztabaida. Horren aurrean Aralarrek propio eskatzen dio “argitzea kooperatiben lege aldaketarekin aurrera egin behar duen”. Izan ere azkeneko lege egutegian propio agertzen da lege aldaketa geratu egin dela baina ez du argitu noiz arte.
“Gobernuak kontu honi ez dio heldu behar den moduan eta legegintzaldi honetako konpromisoak betetzen ari ez direla nabaria da”, salatu du Erostarbek. “Azaroaren 20an Gobernu Kontseiluak 20 lege atzeratzea erabaki zuen, eta horrek erakusten du gobernuaren ezintasuna bere konpromisoak aurrera ateratzeko”, gaineratu du Erostarbek, “aitzaki bila ari dira ezintasuna mozorrotzeko”.
Albiste erlazionatuak
Erostarbe
Lana
- Aralarrek Jaurlaritzari informazioa eskatu dio Legebiltzarrean, Celsa enpresa ez ixteko mahai gainean jarri duen mailegua argitzeko
- Enplegu merkatuaren prekarietatea areagotzea da lan-erreformaren helburu bakarra
- Maeztu: “Negoziazio kolektiboaren erreforma lan harremanetarako euskal esparruaren kaltetan izango da”