Ezenarro eta Maeztu, “Gobernuaren Zigorra” eta “Etorkizun Handiko Legebiltzarkidea” , hurrenez hurren
- Maeztu
- EZenarro
SER – Euskadi irratiak Aralarren legebiltzarkide Aintzane Ezenarro eta Dani Maeztu saritu ditu, Legebiltzarrean burutu duten jardueragatik. Aralarren bozeramaileari “Gobernuaren Zigorra” saria eman diote, “oposizio lanetan beharginena” izateagatik. Dani Maeztuk “Etorkizun Handiko Legebiltzarkidea” izendatu dute, legegintzaldi honetako lehenengo urtean egin duen lana aintzat hartuz. SER-Euskadiko zuzendari Begoña Marañonen eskutik jaso dute gaur garaikur bana Eusko Legebiltzarrean. Ganberaren XXX. urteurrena ospatzeko SER-ek antolatu duen sari banaketan Patxi Lopez Lehendakaria ere izan da, berak jaso duelako “Hizlari Onenari” saria. Laugarren eta azken saria Juan Jose Ibarretxe lehendakari ohiak erdietsi du, bere “ibilbide historikoa” aitortu dutelarik.
Aintzane Ezenarrok bozketa ireki batean bere alde bozka eman izan dutenei eskerrak eman nahi izan dizkie, eta bere “zorroztasuna modu eraikitzailean erabiltzen duela” azaldu du. “Gobernuak gauza asko ditu hobetzeko, eta gure lana gizartearen gehiengo sozialaren isla izatea da”, adierazi die Ezenarrok SER irratiaren mikrofonoei. Dani Maezturi egin dioten elkarrizketan, legebiltzarkideak esan du “sari garrantzitsuena herritarren ordezkari aukeratua izana” dela. “Aintzane alboan dudala zaila izango da datorren urteko Gobernuaren Zigorra saria neureganatzea”, onartu du legebiltzarkidea.
Gaur arratsaldean SER-Euskadik atal berezia eskainiko die sari hauei, arratsaldeko 19:00etatik aurrera.
Albiste erlazionatuak
Maeztu
- Arlo publikoko langileen murrizketak zuzendu beharko ditu gobernuak, Aralarren ekimenez
- Aralarrek elkartasuna adierazi die eraildako ertzainen senideei
- Aralarrek Lopezi eskatu dio “proposamen zehatza ekar dezala Legebiltzarrera, zerga politikan arautzeko eskumena izan dezan”
- Maezturen iritziz, "agortutako gobernuaren lehendakariak legealdia amaitzeko mehatxua egin du gaurko diskurtsoan"
EZenarro
- Aralarrek Jaurlaritzari leporatu dio “kutxen kontrol publikoaren gainean kuota politikoa handitu nahi izatea”
- Aralar gehiengo abertzalea eta ezkerreko politika publikoak bermatzeko alternatiba da Bizkaian
- Aralarrek dio Erauskin eta Berasategiren kontrako erabakiarekin eskubide zibil eta politikoak urratzen direla