Aralarren iritziz ETAren Aberri Eguneko komunikatua ez da Euskal Herriak itxaroten zuena eta ez da Euskal Herriak behar duena
- ETA
Euskal Herriak behar duena da ETAren alde bakarreko, behin betiko eta egiaztagarria izan behar duen borroka armatuaren etena.
Aralarren iritziz ETAaren agiriak ez du behar bezala aintzat hartzen nazio arteko bitartekariek eskatu diotena. Nazio arteko bakegintzan liderrak direnak eskatzen diotena da argi eta garbi eten egin behar duela borroka armatuaren erabilera, eta hori erantzun ezean esan beharra dago ez duela aintzat hartzen egindako gomendioa. Berdin gertatu zen Anoetako aitorpenarekin, ETA erakundeak goraipena egin arren ez zuen bete.
Aralarren iritziz ETAk dio erantzun armatuaren deskatibazioak ez lukeela gatazka politikoa konponduko, baina ETAk gogoan eduki beharko lukeena da gatazka izan bazela ETAk borroka armatuari ekin baino askoz ere lehenagotik eta ondoren ere izango dela. Aitzitik, Aralarrek gainera gogorarazi nahi du arazo politikoak bakarrik bide politikoetatik konpontzen direla, eta eragile politikoen ekintza eta lanaren bitartez.
Bitartekari internazionalak Euskal Herriaz arduratu eta mezu garrantzitsu hau eman diotenean gure herriari eta nazioarte osoari, aukera paregabea dago aldaketa kualitatibo bat eman eta behin betiko ETAk Euskal Herriari zor dion urratsa eman dezan.
Albiste erlazionatuak
ETA
- Ezenarro: “Biktima guztiei egia, justizia, ordaina eta memoria zor zaie, baina ez dute arrazoi politikoa”
- Aralarrek "elkarrizketa" aldarrikatu du Bilbon, euskal gatazka konpontzeko
- Jon Abril: “Etorkizuneko ezker abertzale sendoa eraikitzeko Aralar da bermea”
- Alex Larragoiti: "Aralarrek bere sorreran ezarritako parametroetan egiten ari da aurrera Batasuna"