Aralarren ekimenez, Asiako liztorra desagerrarazteko ekimenei bultzada eman dio Eusko Legebiltzarrak
- Ingurumena
Espezie honek kalte garrantzitsuak sortu dizkie Gipuzkoako erlezainei, Vespa Velutina deritzon liztorrak erle autoktonoak jaten dituelako. Aitzitik, arazoa ez da bakarrik eztia eta beste produktu batzuk produzitzen dituzten erlezainena. Aralarren legebiltzarkide Dani Maeztuk azaldu duen moduan, arazoari “izaera orokorragoa eman behar zaio. Bioaniztasuna ere mehatxatua dago, erlea delako polinizazioan parte hartzen duten elementu guztien artean garrantzitsuenetakoa. Liztorra egoteak erleen kopurua jaistea ekartzen badu, ondorioak bioaniztasunean ere nabaritu daitezke”.
Legebiltzar talde guztiek aldeko bozka eman diote jatorriz Aralarrek, EAJk eta Alderdi Popularrak aurkeztutako legez besteko proposamenari. Horrela, Eusko Jaurlaritzari eskatzen zaio Vespa Velutina liztor inbaditzailea desagerrarazteko plana egitea, kaltetutako aldundiekin elkarlanean eta mugakide diren lurraldeekin koordinatuta. Maeztuk garrantzia eman dio Frantzia eta Iparraldeko erakundeekin egin behar den elkarlanari, “Frantzian arazo honen inguruko informazio gehiago dute, liztorra 2004tik dutelako, eta euren esperientzia aprobetxatu dezakegu liztorra desagerrarazteko”.
Albiste erlazionatuak
Ingurumena
- Aralarren mozioa onartu eta harrobien arloko plan bi egiteko epe berria eman dio Legebiltzarrak Jaurlaritzari
- Garmendiak ez du aipatu ere egin Legebiltzarrak Arabako gasaren inguruan hartu zuen akordioa Bartzelonako forumean
- Aralarrek Atxarteko harrobiaren berreskuratzearen inguruan bi ekimen erregistratu ditu
- Praileaitzi 100 metroko babesa eskaintzen dion dekretua onartzea eskatu dio Aralarrek gobernuari
Aralarkideak albiste
-
Aralarren koordinatzaileordea. Durangoko zinegotzia eta legebiltzarkidea