Hemen zaude: Hasiera › Aktualitatea › Albisteak › Aralarrek salatu du Defentsoriaren aurrera kexak aurkeztu dituzten herritarrak "babesgabetasunean" geratzeko arriskua dutela

Aralarrek salatu du Defentsoriaren aurrera kexak aurkeztu dituzten herritarrak "babesgabetasunean" geratzeko arriskua dutela

2009/12/28
  • ezenarro
  • defentsoria
  • berdintasuna
Aralarrek jakin nahi du ze egin asmo duen lehendakariak Berdintasunerako Defentsoriaren aurrean aurkeztu eta oraindik erantzunaren zain dauden ebazpenekin, erakundearen defendatzaileak dimisioa aurkeztu baitu eta Emakundek esan baitu ez duela, oraingoz, kargua betetzeko asmorik. Aralarren bozeramaile Aintzane Ezenarrok euren kexak eta bestelakoak Defentsoriaren aurrera aurkeztu duten herritarrak "babesgabetasunean" geratzeko arriskua dutela salatu du eta hori dela eta, Lopez lehendakariari eskatu dio azal dezala zer egin asmo duen hori gerta ez dadin.

Emakumeen eta Gizonen arteko Berdintasunaren Defentsoria erakundearen Defendatzailearen dimisioaren aurrean, Emakundek adierazi du ez duela kargua betetzeko asmorik, oraingoz.  Kontuan izanda 2009 urtean irekitako prozedurak 177 izan zirela eta horietatik 40 inguru amaitzear eta ebazpenak sinatzeko zain daudela, Aralarrek beharrezko ikusten du gobernuak azaltzea zer gertatuko den kasu horiekin, baldin eta ordezkorik jartzen ez bada. Hori dela eta, Aralarren legebiltzar-taldeko bozeramaile Aintzane Ezenarrok hurrengo interpelazioa aurkeztu du Legebiltzarrean Patxi Lopez lehendakariak "argitu dezan momentu honetan aurkeztutako kexen ondorioz irekita dauden prozedurak, eta bereziki erresoluzioa sinatzeko zain daudenei nola erantzungo dien eta ze egingo duen kexa horiek aurkeztu dituzten herritarrak babesgabetasunean ez uzteko".