Aralarrek Osakidetzan izandako ustezko irregulartasunen inguruko informazio eskatu du Eusko Legebiltzarrean
- Maeztu
- Legebiltzarra
Aralarrek Osasun eta Kontsumo sailaren jokabidea salatzen du, Osakidetzan ustez izan diren irregulartasunen harira. Dani Maeztu legebiltzarkideak Rafael Bengoa sailburuaren jarrera kritikatu du. Bengoak komunikabideei jakinarazi zien lehenengo Osakidetzan egiten ari diren ikerketaren inguruko informazioa, Eusko Legebiltzarrean azalpenak eman ez diren arren. “Ez da zilegizkoa, Eusko Legebiltzarrean azalpenak eman aurretik, komunikabideen bitartez horrelako informazio garrantzitsuak argitaratzea. Ez da inondik inora Gobernu batek izan behar duen jarrera, larriagoa da, gainera, Gobernuak behin eta berriro gardentasunaren eta elkarrizketaren alde egingo duela adierazi duenean”, adierazi du Maeztuk.
Aralarrek zera uste du, egindako adierazpenen arabera gai honek garrantzia nahikoa daukala. “Sailburuaren egitekoa, orain, egiten ari diren ikerketen inguruko informazio zehatza eskaintzea izan beharko luke, eta horrela, sortu daitezkeen gaizki ulertuak saihestea”, dio Maeztuk. “Gure jarrera, orain, bere azalpenak exijitzea izango da, duen informazioa entzutea, eta orduan gai honen inguruan dugun iritzia plazaratuko dugu”, gaineratu du legebiltzarkideak.
Horregatik, Aralarrek Legebiltzarreko Mahaiari eskatu dio Osasun eta Kontsumo Batzordea era ezohikoan habilitatzea, Rafael Bengoak agerraldia egin dezan.
Albiste erlazionatuak
Maeztu
- Arlo publikoko langileen murrizketak zuzendu beharko ditu gobernuak, Aralarren ekimenez
- Aralarrek elkartasuna adierazi die eraildako ertzainen senideei
- Aralarrek Lopezi eskatu dio “proposamen zehatza ekar dezala Legebiltzarrera, zerga politikan arautzeko eskumena izan dezan”
- Maezturen iritziz, "agortutako gobernuaren lehendakariak legealdia amaitzeko mehatxua egin du gaurko diskurtsoan"
Legebiltzarra
- Bakegintzan eta elkarbizitzan aurrerapausoak emateko “ezinbestekotzat” jo du Ezenarrok lan talde irekia eratzea Legebiltzarrean
- Kutxen izaera soziala eta gizartekitza bermatzeko zuzenketak egin dizkio Aralarrek kutxen legeari
- Aralarrek bere poztasuna adierazten du D ereduak berriz gora egin duelako
- Bazterketarik gabe, bakegintza lantzeko lan taldea eratzea eskatu du Aralarrek Legebiltzarrean