Hemen zaude: Hasiera › Aktualitatea › Albisteak › Aralarrek ofizialki azalpenak eskatuko dizkio Legebiltzarreko presidenteari, Defentsako koronelaren bisitagatik

Aralarrek ofizialki azalpenak eskatuko dizkio Legebiltzarreko presidenteari, Defentsako koronelaren bisitagatik

2009/06/30
  • armada
  • PP
  • PSE
Era berean, Aralarrek proposatu du, Bizkaiko BBNNetan onartu zen bezala, Eusko Legebiltzarrak ere ez diezaiela baimenik eman Legebiltzarrean sartzeko Segurtasun Indarren eta Indar Armatuen ordezkariei

 

Gauza bat ETAren biktima bati omenaldia egitea, bere jardun profesionala kontuan izan barik, baina beste kontu erabat ezberdina da era horretako gonbitea luzatzea Espainiako armadako ordezkari bati inolako justifikaziorik gabe eta aldez aurretik legebiltzarreko taldeei komunikatzeke.

Uste dugu era horretako ekintzak probokazio argi bat direla gizarte honen gehiengo sozial eta politikoari. Patxi Lopezen lehendakari kargu izenpetzean Gernikan salatu genuen bezala, agerian geratu da PSEk eta PPk, alderdien legeak eman dien gehiengo parlamentarioa erabili nahi izan dutela sinbologia espaiñolista euskal erakundeetara ekartzeko, jakinda euskal gizartearen benetako ordezkaritzak ez ziela horrelakorik egiten utziko.

Horregatik guztiagatik Aralarrek azalpenak eskatuko dizkio era ofizialean Legebiltzarreko presidenteari. Era berean, Bizkaiko BBNNek egin zuten moduan, eskatu du Legebiltzarrak ez diezaiela sartzeko baimenik eman  Segurtasun Indarren eta Indar Armatuen ordezkariei. Horretarako, talde Mistoko Ezker Batua eta Eusko Alkartasunako ordezkariekin batera, PPk ildo horretan aurkeztutako legez besteko proposamenari, osoko zuzenketa jarri diogu