Hemen zaude: Hasiera › Aktualitatea › Albisteak › Aralarrek lan batzordea eskatu du Legebiltzarrean, gobernuko goi karguen biziarteko pentsioak berraztertzeko eta kentzeko hala badagokio

Aralarrek lan batzordea eskatu du Legebiltzarrean, gobernuko goi karguen biziarteko pentsioak berraztertzeko eta kentzeko hala badagokio

2010/02/17
  • pentsioak
  • Ezenarro
  • gobernua
1981ko Gobernu legeak gehiegizko pentsioak ezartzen dizkie goi kargu izan direnei. Ez bakarrik biziarteko pentsioa ezartzen duelako, gaur egun kargu horretan irabazten dutenaren erdia bermatuz baizik eta, erretiratu ostean, administrazio publikoak jartzen duelako dirua gizarte segurantzak ematen duen pentsio maximoaren gainetik, lege horrek ezartzen dituen eskubideak eta bitartean dagoena osatzeko.

“Hori gehiegizkoa, desproportzionala, kasu batzuetan kargua eta ondoren ematen zizkien eskubideen artean –batez ere sailburuordeen kasuan– eta, beraz, ezinbestekoa da 1999an Legebiltzarrean abian jarri zen eztabaida berrartzea eta, demagogiarik egin gabe, justiziakoa eta proportzionala izango den araua ezartzeko”, iritzi dio Aralarren legebiltzarreko bozeramaile Aintzane Ezenarroren iritziz.

Aralarren bozeramailearen iritziz, "zaila da ulertzen, lehendakariaz harago, bi urtez sailburuorde karguan egotearren, karguan izan den bitartean jasotako soldataren erdia suposatzen duen biziarteko pentsioa jasotzeko eskubidea izatea".

Horretarako beharrezkoa lege aldaketa eta “legebiltzarreko beste taldeek ere horretarako prestutasuna izatea behar dute. Horregatik proposatzen dugu lan taldea bakoitzak bere proposamenak egin ditzan”.

Onartutakoa