Aralarrek eskatu du Bizkaia Zubiak eskaintzen duen zerbitzuan euskarari tratu egoki eta ez diskriminatzailea ematea
- Euskara
Portugaleteko Asti Leku ikastolako ume eta gurasoek Bizkaia Zubiaren bisita-gidatu zerbitzuarekin izan duten arazoaren berri izan du Aralar batzarkide taldeak, eta hori salatzearekin batera, Bizkaiko Zubiak eskaintzen duen zerbitzu horretan euskarari tratu egoki, zuzena, duina eta gaztelaniarekiko ez diskriminatzailea ematea eskatu dio Bizkaiko Diputazioari.
Portugaleteko Asti Leku ikastolako irakasleek Bizkaia Zubira txangoa egiteko asmoa zuten, ikasleei garraio publikoaren funtzionamendua bertatik bertara azaltzeko asmoarekin. Bizkaiko Zubia kudeatzen dutenekin harremanetan jarri ziren, eta handik erantzun zieten txangoa euskaraz egitea nahi bazuten talde bakoitzeko 75 euroko gainkostua ordaindu beharko zutela.
Horren berri izatean, Aralarrek arauz besteko proposamena aurkeztu du Batzar Nagusietan, eta bertan eskatzen zaio Diputazioari Bizkaiko Zubiak euskari eskaintzen dion tratamendua egokia eta ez diskriminatzailea izateko.
Albiste erlazionatuak
Euskara
- Aralarrek pozik hartu du Kultura sailburuaren konpromisoa euskal hiztunari egindako adierazpenak gaztelaniaz errepika ditzala ez eskatzeko
- Basabe: “Hiru gezur esanda, euskararen erabileraren kontra egiteko aldatu dute legea PSE-PP-UPyD alderdiek”
- Basabe: “Aldaketaren gobernu izan gura zuen horrek, PPren eskutik eta UPyDren itzaletik dakarkigu aldaketa”
- Euskararen Egunaren harira, Inaki Irazabalbeitiak idatzitako iritzi artikulua