Aralarrek Enkarterrien Industri eta abeltzaintzaren aldeko manifestaziora joateko deia luzatu du

Aralarreko koordinatzaileak esan duenez “Enkarterri eta Ezkerraldean egoera ekonomikoa latza da, langabezi tasa ehuneko 16tik gora dago, eta udalerri batzuetan, Sestao esate baterako 21etik gora. Lan prekarioa ugaritu egin da, eskasa soldatetan, eskasa lan orduetan eta eskasa egonkortasunean. Lan baldintza horiekin ezin dira etorkizuneko proiektuak egin eta eskualdearen etorkizuna zamatzen du sektore guztietan”.

Murgiak Diputazioak Marketin operazioak besterik ez duela egin salatu du eta espekulazioari joko handia eman diotela erakunde desberdinek gaineratu du.

Leire Martinezek Iratzarriko Bizkaiko Koordinatzaileak gazteek bizi duten egoera tamalgarria azpimarratu du “gero eta etxebizitza gehiago, berriak eta garestiak, zertarako? Lanik gabe, edo lan prekarioekin horiekin amestu ere ezin dugu egin. Kalera atera behar gara eta Zallara, joateko deia egiten dugu, bereziki gazteria deitu nahi dugu bertara”

Aralarreko legebiltzarkidea den Oxel Erostarbek bukatu du prentsaurrekoa eta esan duenez erakundeek industrialdeen alde egin dute axolagabekeriaz “eta gaur egun industrialde horiek hutsik daude, Sestaobai edo Burtzeña bezala, adibidez,..”

“Legebiltzarrean, Batzar Nagusietan eta Udaletan ere proposamena aurkeztuko dugu –gaineratu du Erostarbek-. Erakunde guztiak elkarlanean aritu behar dira industria birsortze plana sortzen, nekazari eta abeltzainen etorkizuna bermatzeko, eta Ezkerralde, Meatzalde eta Enkarterrietako azpiegitura ekonomikoa benetan. Eskualdearen proiektua eta garapen industriala bermatzen duen lana.

Esan bezala, erakundeetan egingo ditugun lan guzti hauetan aparta datorren zapatuan, arratsaldeko 17etan Gueñeseko udaletxetik egingo den manifestaziora joateko deia egiten dugu.

.