Aralarrek "elkarrizketa" aldarrikatu du Bilbon, euskal gatazka konpontzeko
- Maeztu
- Gernikako Akordioa
- ETA
ETAk borroka armatuari utzi diola iragarri osteko lehenengo manifestaldia izan den honetan, jendetza bildu da “Euskal Herriak konponbidea nahi du” pankartaren atzean. Aralarrek ere ordezkaritza zabala izan du Bilboko ekitaldian. Patxi Zabaleta koordinatzailearekin eta Dani Maeztu koordinatzaileordearekin batera, Rebeka Ubera antolaketa arduraduna, eta Maite Sarasua, Txentxo Jimenez eta Iosu Murgia ejekutibako kideak ere izan dira. Iruñeako zinegotzi Aritz Romeo, Espainiako Kongresurako Aralarren hautagai Jon Inarritu eta Iratzarriko kideek ere bat egin dute deialdiarekin.
Manifestazioa hasi aurretik adierazpenak egin ditu Dani Maeztuk. “ETAK borroka armatua utzi duela iragarri duen honetan, uste dugu garaia dela eskatzeko Gernikako Akordioak ezartzen duen ibilbidea betetzea. Are gehiago, Aieteko adierazpenean ibilbide hori berretsi egiten denean”.
“Borroka armaturik gabeko testuinguruan kokatzen garen honetan, momentua da elkarrizketaren beharra aldarrikatzeko”, esan du Maeztuk. Aralarren bozeramaileak bereziki azpimarratu du elkarrizketaren beharra. “Elkarrizketa biktimak errekonozitzeko eta merezi duten erreparazioa emateko; elkarrizketa preso daudenen eskubideak betetzeko; eta elkarrizketa, alderdi guztien eta gizartearen arteko elkarrizketa, herri honetan bizi den gatazka gainditzeko helburuarekin.
Maeztuk gaurko ekitaldia aprobetxatu du bake “iraunkorra, inklusiboa eta guztiak irabazle aterako garen bakea” aldarrikatzeko.
Albiste erlazionatuak
Maeztu
- Arlo publikoko langileen murrizketak zuzendu beharko ditu gobernuak, Aralarren ekimenez
- Aralarrek elkartasuna adierazi die eraildako ertzainen senideei
- Aralarrek Lopezi eskatu dio “proposamen zehatza ekar dezala Legebiltzarrera, zerga politikan arautzeko eskumena izan dezan”
- Maezturen iritziz, "agortutako gobernuaren lehendakariak legealdia amaitzeko mehatxua egin du gaurko diskurtsoan"
Gernikako Akordioa
- Gernikako Akordioaren sinatzaileek nafarren eskubide zibil eta politikoak berma daitezela eskatu dute
- Bateragune auziaren erabakiaren aurrean elkarretaratzeak deitu ditu Gernikako akordioak
- Gernikako Akordioak indar politiko katalanen babesa jaso du Euskal Herrian bake eszenatoki berria tinkotzeko
- Gernikako Akordioko eragileek U-7ko manifestaziora deitu dituzte herritarrak, estatuari urratsak ematea eskatzeko
Aralarkideak albiste
-
Aralarren koordinatzaileordea. Durangoko zinegotzia eta legebiltzarkidea