Aralarrek Eleak mugimenduak deitutako mobilizazioetan parte hartuko du gaur, Bateraguneko auzipetuen absoluzioa eskatzeko
Aralarreko hainbat kargu publikok eta ordezkarik Eleak mugimenduak deituta gaur arratsaldean Hego Euskal Herriko hiriburuetan egingo diren mobilizazioetan parte hartuko du. Donostiakoan izango dira Rebeka Ubera antolaketa idazkaria eta Ainhoa Beola Hegoaldeko Zuzendaritzako kidea, Iruñeakoan Aritz Romeo NaBaiko zinegotzia, Bilbokoan Iosu Murgia Bizkaiko koordinatzailea eta Gasteizkoan Igor Lopez de Munain Arabako Zuzendaritzako kidea.
Gaur Madrilgo Audientzia Nazionalean hasi den Bateragune auziko auzipetuei elkartasuna adierazteko eta beraien absoluzioa eskatzeko izango dira Aralarreko ordezkariak mobilizazioetan. Aralarrek azpimarratu du Bateragune auziaren epaiketa “lekuz eta garaiz kanpo” dagoela, eta politika egitea ezin dela inoiz delitu izan. Hala, Euskal Herrian eskubide zibil eta politiko guztien berrezarpena aldarrikatu du.
Aralarkideak albiste
-
Iruñeako zinegotzia
-
Antolaketa idazkaria eta Gipuzkoako batzarkidea