Aralarrek EAEko gurasoak zoriondu nahi ditu euskararen aldeko apustua egiteagatik
- euskara
- legebiltzarra
- hezkuntza
Hala adierazi du Aralarren legebiltzarkide Mikel Basabek. Izan ere, “benetan txalotzekoa eta poztekoa delako EAEko gurasoek, berriz ere, euskararen aldeko apustua egin izana aurre-matrikula egitean”. “Argi utzi dute euren seme-alabentzako ez dutela gura hizkuntza ofizial biak balio ez duen eredurik”, gehitu du Basabek.
Aralarren legebiltzarkideak Hezkuntza sailari eskatu dio “aurre-matrikulazio datuak arreta handiz azter ditzala” eta “alda dezala A ereduaren alde hartu duen jarrera okerra”. Izan ere, Basaberen iritziz, “gizartearen gehiengoaren iritziaren kontrakoa da Hezkuntza sailak hartu duen jarrera; are gehiago, umeek hizkuntza ofizial biak jakiteko duten eskubidearen kontrakoa da”.
Era berean, Aralarren legebiltzarkideak Isabel Celaari eskatu dio “hiruele eredua D ereduan oinarritu dezala, hau da, hizkuntza ofizial biak ikasteko ondoen balio duen ereduan txerta dezala ingelesaren nahikotasunezko eskaintza”.
Albiste erlazionatuak
euskara
- Aralarrek Legebiltzarreko lehendakariak euskararekiko erakutsi duen jarrera kritikatu du
- Oraingoan bai, itzulpena eskatu delako atzeratu egin da Legebiltzarreko batzordea
- Legebiltzarrak bigarrenez asteon euskaraz lan egiteko eskubidea ukatu die legebiltzarkideei
- Eusko Legebiltzarrak euskaraz lan egiteko eskubidea ukatu die legebiltzarkideei