Hemen zaude: Hasiera › Aktualitatea › Albisteak › Aralarrek dio EAJrekin izenpetutako akordioak Nafarroa Baik eskaintza ona egitea indartzen eta bermatzen duela

Aralarrek dio EAJrekin izenpetutako akordioak Nafarroa Baik eskaintza ona egitea indartzen eta bermatzen duela

2010/09/20
  • EAJ
  • Nafarroa Bai
  • Txentxo Jimenez
Aralarrek eta EAJk balorazio baikorra egin dute bi alderdion artean sinatutako akordioari buruz. Akordioarekin bi alderdiok 2011ko udal eta foru hauteskundeetan Nafarroa Bai bezala aurkeztuko direla izenpetzen dute. Gaur eguerdian aurkeztu dute hitzarmenaren edukia Txentxo Jimenez Nafarroako Aralarreko koordinatzaileak eta Jose Angel Agirrebengoa NBBko presidenteak. Azaldu dutenez, bi aldeek sinatutako akordiorako negoziazioen berri zeukan Eusko Alkartasuna.

Hitzarmenaren barruan zehazten dira Nafarroa Bain beste alderdi batzuk sartzeko betebeharrak. Hala, koalizioaren oinarriak eta irizpide politikoak onartzeaz gainera, Nafarroa Bain sartzeko asmoa duten alderdiek ja koalizioko kideak direnei ezin izango diete betorik ezarri.

Era berean, independenteen partehartzea sustatzeko asmoarekin, Batzorde Politikoaren barruan alderdi politikoetara afiliatu gabe dauden bi pertsona izango dira.

Txentxo Jimenezek esan duenez, “akordio honekin indartzen eta bermatzen da Nafarroa Baik hauteskunde eskaintza ona egitea Nafarroako gizarteari”. Gaineratu duenez, “koalizioak etorkizunerako proiekzio ona dauka. Gure aurkariak izango diren alderdi politikoek hitzarmena nolako urduritasunaz hartu duten begiratzea baino ez dago horretarako”.