Aralarrek Audientzia Nazionalak Arnaldo Otegiren kontra emandako epaia kritikatu du
- Batasuna
Aralarren desadostasuna ideologikoa eta politikoa da, eta 2000 urtean jatorria duten delitua erregulazio eta sailkatzean dute oinarria.
Demokrazia aurreratu eta zibilizatuetan ez da antzeko deliturik erregulatzen, eta beraz, ezinezkoa da praktikan ideien zigortzetik bereiztea.
Espainiako Zigor Kodeko 571tik 580ra doazen artikulu guztiak moldatu ahal izateko ekimenak hartzea aztertzen ari da Aralar, horietan oinarritzen delako legedi antiterrorista. Legedi antiterrorista salbuespeneko legedia da, Aralarren aburuz, eta bere manuak ez datoz bat zuzenbide penal modernoan izan behar diren legeekin eta gizarte moderno eta aurrerakoi batean izan behar den elkarbizitzarekin.
Aralarrek bere egiten du Euskal Herriak oro har eta Espainiako estatuak bakea lortzeko daukan nahi sakon eta tinkoa. Aralarren ustez, indarkeria uzteko aldebakarreko eta kalteordainik gabeko erabakia zuzenbide penalaren eta penitentziarioaren normaltasun eta modernitatearekin osatu behar da, eta horretarako aldaketa asko eta sakonak behar dira; horien artean dago, 2000. Urtean, Aznar eta Mayor Orejaren garaian, ezarritako terrorismoaren goratzea delituaren indargabetzea.
Ezker abertzale ofizialeko, lehengo Batasuneko, askok bakea eta normalizazio politikoa lortzeko egiten ari diren lana zintzoa dela ziur gaude. Hain zuzen, horiek lortzeko kezka eta helburu politikoak ditu Aralarrek.
Albiste erlazionatuak
Batasuna
- Zabaleta: "ETAk badaki ez daukala bake prozesuak aurrera egitea galerazteko aukerarik"
- Patxi Zabaleta: "Gernikako Akordioa akorazatua dago, ETAren atentatuen aurrean ere bai"
- Jon Abril: “Bartzelonako manifestazioak izan behar du protagonismoa eta erreferentzialtasuna”
- Patxi Zabaleta: “Atzoko greba oso garrantzitsua izan zen, pertsonen kontzientziak astindu zituelako”