Hemen zaude: Hasiera › Aktualitatea › Albisteak › Aralar pozik dago bihar onartu daitekeelako Harrobien Lurralde Arloko Plana egiteko Legebiltzarrean aurkeztu duen proposamena

Aralar pozik dago bihar onartu daitekeelako Harrobien Lurralde Arloko Plana egiteko Legebiltzarrean aurkeztu duen proposamena

2010/03/03
  • Maeztu
  • Ingurumena
Bihar eztabaidatuko da Eusko Legebiltzarrean Aralarrek aurkeztu duen harrobien Lurralde Arloko Plana (LAP) egiteko ekimena. Taldeek aurkeztu duten aldez aurretiko jarreraren arabera proposamena onartu egingo da. Horrela, Eusko Legebiltzarrak Eusko Jaurlaritzari eskatuko dio 2010eko lehenengo seihilekoan aurkeztu dezala plana Legebiltzarreko Industria batzordean. Planak EAEko harrobiak ordenatu eta kontrolatzeko balioko du.

 

Aralarren legebiltzarkide Dani Maeztuk “beharrezkotzat eta oso garrantzitsutzat” jo du, bihar onartua izan daitekeen eta Aralarrek aurkeztu duen proposamenaren harira, harrobien LAPa (Lurralde Arloko Plana). “Lurraldearen Antolamendurako Artezpideak onartu zirenetik hamahiru urte igaro dira eta bada garaia gai honi euskteko”, adierazi du Maeztuk. Artezpide horiek ingurune fisikoa antolatzeko eta jarduerak kontrolatzeko balio dute, tartean harrobi ustiaketak daudelarik. “Horrela, harrobiak non kokatu beharko diren zehaztuko da, gure ondare kulturala eta naturala babestuz”, gaiineratu du Maeztuk. “Urrats garrantzitsua eta beharrezkoa da” Aralarrentzat, “eta Legebiltzarreko taldeek erakutsi duten jarreraren arabera onartua izan daiteke”.

 

Aralarren helburua “egun dugun garapen ereduaren inguruan eztabaida sustatzea da”, alde batetik, “eta lurralde honetan ditugun ustiaketen ondorioak zeintzuk diren gizarteratzea”, bestetik. Gainera, alderdiak “naturarekin disfrutatzeko dugun eskubide kolektiboak interes pribatuaren eta ekonomikoaren gainetik” ezarri behar direla uste du. Maezturen iritziz beste alternatiba batzuk ere izan ditzakegu, “eraikuntzatik eta eraispenetik sortzen diren hondakinak aprobetxatu daitezke”, esaterako.

 

Aralarrek dagoeneko hainbat ekimen aurkeztu ditu Eusko Legebiltzarrean gai honen harira. Hurrengo bilkura batean harrobiek kaltetu dituzten zonaldeak leheneratzeko aurkeztu duen proposamena eztabaidagai izango da.