Aralar ez dator bat Donostiako Udal langileei Elkarkidetzako kuotan egin zaizkien murrizketekin
- Beola
Donostiako Udalak instituzioko langileei dagokien Elkarkidetzako kuotan murrizketak egin izana kritikatu du Aralarrek. Ainhoa Beola Donostiako Udaleko Aralarreko zinegotziak adierazi duenez, “ez gaude ados Udalak Zapateroren dekretua ezarri duen moduarekin, eta bereziki, ez gatoz bat Elkarkidetzako kuoten ordainketarekin Udalak harturako erabakiarekin”. Zentzu horretan, gogoratu du Aralarrek beste erakunde batzuetan ere ez duela babestu Zapateroren dekretua.
Beolak azaldu duenez, joan den irailetik hainbat bilera izan ditu Udaleko Giza Baliabideetako Sailarekin, eta bilera horietan behin baino gehiagotan eskatu du Elkarkidetzako kuoten hartutako erabakia berraztertu dezala. Era berean, gogoratu du Gobernu Batzordean Aralarrek ez zuela babestu udal langileei soldatak jaistea, Elkarkidetzako kuoten ordainketa %50ean jaistea eta ordezkapenetarako eta prestakuntzarako diru-partida murriztea.
“Finantza krisi hau ez dute langileek ordaindu behar, beraiek ez duelako sortu”, azpimarratu du Beolak, eta ohartarazi duenez, “urteetan borroka sindikal eta sozialen bitartez lortutako hobekuntzak bertan behera uzten ari dira”.
Albiste erlazionatuak
Beola
- Aralarrek lan bilera egin du, indarkeria matxistarekin nola amaitu hausnartzeko eta proposamenak lantzeko
- Aralarrek salatu du alde bakar bateko biktimen eguna bihurtu dutela memoria eguna
- Aralarrek bat egiten du CLECE enpresako Donostiako etxebizitza laguntza udal zerbitzuko langileen aldarrikapenekin