Hemen zaude: Hasiera › Aktualitatea › Albisteak › Aralar Bateragune auziko epaiketaren hasieran egongo da, absoluzioa eskatzeko eta elkartasuna agertzeko

Aralar Bateragune auziko epaiketaren hasieran egongo da, absoluzioa eskatzeko eta elkartasuna agertzeko

2011/06/26
Madrilgo Entzutegi Nazionalean Bateragune auziaren epaiketaren hasieran egongo da bihar Aralar, zortzi auzipetuen absoluzioa eskatzeko eta elkartasuna agertzeko. Jon Abril alderdiko koordinatzaileordea, Txentxo Jimenez Nafarroako koordinatzailea eta Laida Elizegi Iratzarriko koordinatzailea izango dira Madrilen.

Aralarrek epaiketa hau “lekuz eta garaiz kanpo” dagoela azpimarratu du. “Politika egitea inoiz ezin da delitu izan, eta auzipetuak politikan aritzeagatik epaituko dituztela” gogorarazi du Jon Abrilek.

Halaber, Abrilek aldarrikatu du bakerako bidean “ezinbestekoa dela horrelako estrategia, epaiketa eta justiziaren politizazioarekin bukatzea. Alderdi sozialistak behin betirako utzi behar du errepresioaren estrategia alde batera, eta herri honek bakerako duen borondateari entzungor egin, eta bere politikak aldatzen hasi behar du”.

Abrilek oroitarazi du “honen guztiaren funtsean alderdien legea dagoela, politikan aritzeko muga ezartzen baitie milaka herritarri”. Hala ere, “ulertezina eta onartezina” deritzo “ezker abertzaleko beste sentsibilitatean soilik bide politikoen aldeko apustu tinkoa egin duten kideak kartzelan ikustea eta 10 urteko kartzela zigor eskariei aurre egin behar izatea”.

Aralarkideak albiste