Hemen zaude: Hasiera › Aktualitatea › Albisteak › Aralar: ”Olanok eta Elorzak Gipuzkoa bankuen esku utziko duen proiektu baten lehen harria jarri dute”

Aralar: ”Olanok eta Elorzak Gipuzkoa bankuen esku utziko duen proiektu baten lehen harria jarri dute”

2011/03/17
  • errausteko planta
  • Ainhoa Beola
  • Ingurumena
  • Rebeka Ubera
Rebeka Uberak, Aralarren Batzar Nagusietako eledunak, eta Ainhoa Beolak, Donostiako udaletxekoak, Zubietako errausteko plantaren lehen harria jartzeko ekitaldia kritikatu dute. Uberaren aburuz, “Gipuzkoako erakundeen etorkizuna errausteko planta finantzatuko duten erakundeen esku uzteko lehen urratsa izan da”.

Aralarren ordezkariak gogorarazi duenez, plantaren eraikuntza finantzatzeko onartu diren baldintzak direla eta, “lurraldeko erakundeek ezingo dute zaborren kudeaketa arautzeko neurririk hartu harik eta errausteko planta ordaintzen dugun arte. Markel Olanok eta bere gobernuko kide Hamaikabatek, arlo horretako Etorkizuna hain lotuta utzi dute, ezen ezingo baitira hondakinen kudeaketa arautzen duen foru araua eta kontsorzioaren estatutuak aldatu”.

Ainhoa Beolak, Aralarren Donostiako udaletxeko bozeramaleak, bere aldetik, alkatea ekitaldi horretan egon izana kritikatu du. “Ekonomikoki, sozialki eta ingurumen aldetik iraunkorra ez den azpiegitura baten aurrean gaude”, azpimarratu du Beolak.

Aralarren ordezkariak esan du “hemen bigarren mailan geratzen direla ingurumena eta osasuna” eta “birziklatzea, gutxitzea eta berrerabiltzea bezalako hitzak bankuen dibidendoen esku”.