Hemen zaude: Hasiera › Aktualitatea › Albisteak › “Estatuari gehiago arduratzen dio aukera independentista moduan Euskal Herritarrokek, ETA baino. Ez dute nahi ezkerreko indar abertzale zibil eta anitza”

“Estatuari gehiago arduratzen dio aukera independentista moduan Euskal Herritarrokek, ETA baino. Ez dute nahi ezkerreko indar abertzale zibil eta anitza”

2009/10/17
  • Batasuna
  • Basabe
  • atxiloketak
  • PSE
Aralarren legebiltzarkide Mikel Basabek PSEri eskatu dio “azal dezala zergatik ez den nahikoa ETA gaitzestea politika egin ahal izateko”. Radio Euskadin izandako saioan, Basabek ezinbesteko iritzi dio argitzea “Aralar sortu zenean nahikoa izanik, gaur egun zergatik ukatzen dieten ibilbide politiko eta pertsonal hori egitea beste batzuei, jakinda, indarkeriaren erabilera eta bere izenean erabiltzea onartuko ez duen ezkerreko alternatiba abertzale batera iristeko beharrezkoa dela bide hori egitea”.

Basaberen ustez, “estatuaren aldetik beldurra, ardura, sumatzen da aukera independentista legez gehiago arduratzen dielako Euskal Herritarrok izan zena ETAk baino. Ez dute bide horretan lan egin dezagun eta hori dela eta saboteatu egiten dute”.

Era berean, Aralarren legebiltzarkideak adierazi du “edonork badaki Aralarrekin batera EAJren alternatiba abertzalea eta ezkerrekoa eraikitzeko bide bakarra borroka armatua alde batera uztea dela”. “ETAk gure beste ameskeria egin ditzake eta paperean jaso, baina jakin badakit Batasunako buruzagiek badakitela etorkizuna ezker abertzale zibil eta pluraletik etorriko dela, indarkeriaren erabilera onartzen ez duena eta bere izenea erabiltzea onartzen ez duena”.

Horregatik guztiagatik, “Aralar kalera aterako da herri honen gehiengoarekin batera, salatzeko hain justu “bide hori egiteko aukera moztu dela, orain eta etorkizunean bide horretan pausuak ematea dela moztu dena. Irakurketa argia da: ez dute gure ezker zibil eta plurala”. Basabek PSOEri gogorarazi dio “ETArekin amaitzeko guztiak ez duela balio eta hori PSOEk ere jakin beharko luke”.