Aralar alderdi politikoak arbuiatu egin du gaur goizaldean Arrasateko EAJko zinegotzi Jose Luis Apraizen aurka egindako erasoa, haren autoa erretzen ahalegindu baitira.

Aralarrek egindako eskariari jarraituz, Eusko Legebiltzarrak onartu egin du lur bankuak sortzea desplazatutako esplotazioak hartzeko. Era horretan, azpiegitura handien ondorioz lehen sektorean ari diren lurjabeak desjabetzen dituztenetan ere, ustiaketa horrekin jarraitzeko aukera izango dute baserritarrek, Jaurlaritzak sortuko dituen lur bankuei esker.

Inkomunikazioarekin amaitzeko prozedura kriminaleko legea aldatzeko eskaria Espainiako kongresuan nork aurkeztuko duen erabaki du gaur Legebiltzarrak. Zentzu horretan, Aralarrek “notizia ona” dela adierazi du “behingoz hirukotea aukeratu duelako Legebiltzarrak”. Aralarren legebiltzarkide Aintzane Ezenarro, EAJren legebiltzarkide Elixabete Pińol eta Eusko Alkartasunatik Rafa Larreina izango dira Espainiako Gorteetara joango den hirukotea.

Beste urte batez, Donostiak ongietorria emango die Oporrak Bakean pasatzeko aukera izango duten haur sahararrei. Haur hauek, honela, Aljeriako desertuan kokaturiko Tinduf-eko errefuxiatu-eremuetatik urrun egongo dira oporraldian.

Ainhoa Beola Donostiako Berdintasun, Hizkuntz Normalkuntza eta Lankidetza zinegotzia Mendebaldeko Saharako ordezkariekin bildu zen atzo.

Aralarrek hala eskatuta, Jaurlaritzak aintzat hartuko du euskal gizartearen eleaniztasuna eta aukera hori baliatuko du hizkuntzaren industria sendo bat izateko eta industria hori mundu-mailako erreferente bihurtzeko.

Horretarako, eta Kanadan jada badagoen esperientziari jarraituz, industria hizkuntza aztertzeko eta sustatzeko ikerketa zentroa sortuko du.

Aralarrek bat egiten du Europako nekazaritza politika aldatzeko sektoreak egiten duen eskaerarekin. Gaur egun, sektoreko baldintzak hobetzetik urrun dago; are gehiago, ekoizleak krisi larri batean murgilduta daude, eta horren aurrean, banaketa kate handiak gero eta irabazi handiagoak lortzen ari dira.

Juliane Kokott Europako Batasuneko Justizia Epaitegiko abokatu nagusiak kaleratutako irizpidearen arabera, EAEk (eta Nafarroa egoera berean dagoela interpreta daiteke) Espainiako Estatuak ezarritakoa baino zerga-sistema onuragarriagoa ezarri dezake, zerga arloko bere lege-eskumenak indarrean jartzerako orduan autonomia nahikoa daukalako. Jon Abril Aralarreko koordinatzaileordeak esan duenez, “Azores auziko ebazpena bere egiten duen irizpenak bat egiten du EAEko hiru Diputazioek emandako argudioekin”.

Oxel Erostarbe Elgetako alkateak prentsaurrekoa eman du gaur goizean udaletxean. Paulino Luesma Espainiako Gobernuz ordezkari ohiak, Dignidad y Justicia erakundeak eta El Mundo, ABC eta La Razon egunkariek erredikulua egin dutela azpimarratu du. Herrian dagoen Domingo Iturbe Kalea ETAko militante batekin lotu, eta kaleari izena aldatzeko eskatu baitzioten. Erostarbek argitu du Domingo Iturbe Ameriketatik dirua eginda etorritako elgetarra zela, eta herriari eskola egiteko eraikina eman ziola. "Paulino Luesmak, David Porterok eta ABC, El Mundo eta La Razon egunkariek euren jarrera zuzendu behar dute, irainengatik, kalumniengatik eta zoroztasun faltagatik, eta, batez ere, erredikulua egiteagatik".

Aralarreko gazte erakundeak, Iratzarrik, PSNk Nafarroako Euskararen Legea hedatzeko lege aldaketan izandako jarrera salatu du. “Jakinda hurrengo plenoan parlamentari baten faltak proposamenak aurrera irtetea galaraziko duela, ez du jarrera koherentea izan; lege aldaketa baten alde egiten duen talde batek gero horren bozketaren atzerapenaren kontrako botoa ematea ez da koherentea, jakinda atzerapen horrek lege aldaketa onartzeko balio izango duela”.