Basabe reprocha a López aprobar los presupuestos "por tercera vez, sin diálogo"

Lehendakari jauna, egun on. Cuatro palabras que ya son más que las que este gobierno le ha dicho a este grupo parlamentario a cuenta de los presupuestos y 10 segundos, que ya es más tiempo que el que este gobierno ha dedicado con este grupo parlamentario para hablar de presupuestos. Porque nadie, ni el consejero de economía y hacienda, ni ninguno del os consejeros, ni por supuesto, el lehendakari, se ha puesto en contacto con el grupo parlamentario Aralar, para hablar del os presupuestos, de las enmiendas para mejorar estos presupuestos, y ni de las posibilidades de llegar a acuerdos concretos.

Y con ese bagaje, no cabe más que a un malos presupuestos, que no ha habido voluntad de mejorar, votar en contra.

Zeren, ibilbidea hasi zenutenean EAEko gizarteari esan zenioten: guztiona eta guztiontzat, gure gobernua, guztion gobernua da eta izango da, eta gure gobernua guztiontzat da eta izango da. Etorri ere ez zarete egin. Galdetzera ere ez zarete etorri. Ez duzue zirrikiturik zabaldu gura izan akordio zehatzen bat lortzeko Aralarrekin. Hori da guztion eta guztiontzat egitea gobernua?.

Gertatzen dena da, sortze beretik gobernu honek morrontza bat daukala, derrigortasun bat daukala, PPko legebiltzarkideen apeta egitea, alderdi popularren esana betetzea eta horretatik, noski, konplikatu samarra PPrekin hitzartzen denean, aldez aurretik ixten denean, gero bestetsuon ekarpenaren bila etortzea.

Zeren ez da egia aurreko batean bozeramaile sozialistak esan zuen bezala, Aralarrek arazorik daukanik alderdi sozialistarekin hitzartzeko. Ez da egia. Eta hortxe dago, horren erakusgarri, zerga politika aldatzeko Bilduk, PSEk eta Aralarrek Gipuzkoako BBNNetan sinaturiko proposamena. Uste dugulako badagoela herri honetan eragiterik, ezkerretik eragiten ahalegintzerik. Eta horrela uste dugulako, edukietan bat gatozenean, ez daukagu, eta ez dugu izango, arazorik inorekin hitzartzeko; baina horretarako berba egin behar da, galdetu egin behar da eta bestela zelan ailegatuko gara hitzarmen batera? Ez da posible.

Ganbera honetan badago berrikuntza bat: motibazio politikoko biktimena. Hor egon da aurrerapausoa eta hitzartu dugu hitzartzeko borondatea izan dugunok; hitz eginda, etorri egin da. Eta hori da gobernu honek egin ez duena; ez zuen lehenengo urtean egin, iaz hala moduzko saiotxo bat egin zuen, baina egin zuen, eta aurten berriz ere gogoratzea ahaztu, guztiona guztiontzat aplikatu eta berriz ere PPri men eginez, aurrekontuak aurrera botako dituen jakitun, beste inorekin ez ditu hitzartu.

Aralarrek zuzenketak egiten dituenean ez ditu zuzenketak egiten denbora pasan jarduteko. Bere boto emaileen errespetua zor dielako, lanerako ipini gintuztelako hemen eta guk lan egiten dugulako, egiten ditugu zuzenketak. Eta gure lana egiteko eta gure errespetua erakusteko bide bakarra da aurrekontuak hobetzeko ahalegina egitea da, aurrekontuei dagokienez.; hobetzeko ahalegina egitea. Horretan ahalegindu gara, aurrekontuak hobetzen. Ahalegindu gara gizarte laguntzetan gobernu honek premia inoiz baino handiagoa denean, inoiz baino eskatzaile gehiago egongo denean, murrizketak planteatzen dituela ikusirik, murrizketa horiei aurre egiten ahalegindu gara.

Ez dugulako uste diru gutxiago eramatea etxera premia handiagoa duenak zilegi denik eta ez dugulako uste kanpoan uztea, ez haien premia txikiagoa delako, baizik eta jartzen zaizkion baldintzak gogorragoak direlako eta ahalegindu gara hori konpontzen zuzenketa zehatzen bitartez.

Aralarrek planteatu duenean hizkuntza politikan jardun ausarta behar dela erkidego autonomo honetan hizkuntza ofizial bi daudelako eta herritarrok euskara ere askatasunean erabiltzeko eskubidea izan behar dugulako eta horretarako aurrekontuak tresna erabakigarria direla ikusirik ahalegin garenean hobekuntzak sartzen, erantzunik ez. Gure proposamenak dira ildo horretan aurrera egitek. Aralarrek planteatu duenean EAEko hezkuntza sistemaren ardatza lehentasuna sistema publikoak izan behar duela gure hobekuntzak horretara joan dira; besteak beste, inoiz baino ikasle gehiago dagoenean, irakasleen ordezkapenetarako dirurik ez kentzea; 1. eta 2. hezkuntza sisteman inoiz baino ikasle gehiago dagoenean, azken boladan baino ikasle gehiago dagoenean, 3 milioi gutxiago ez erabiltzea ordezkoak egiteko, ze, ikasle gehiagori kalitatezko hezkuntza publikoan irakasle gehiago dagokio eta ez gutxiago eta ordezkoak jartzeko diru gehiago dagokio eta ez gutxiago.

Planteatu dugunean hezkuntza sistema erabili behar da hizkuntza ofizial biak nahikotasunez jakiteko, 16 urterekin DBH amaitzen denean, horretarako ere erabili behar da hezkuntza sistema, horrek eskatzen du horretarako balio duen eredua indartzea eta horretarako balio ez duen eredua ez indartzea; baina ez da hori egiten. Egiten dena da PPren Agriprop kanpainetan laguntzaile izan: gurasoei azaltzeko matrikulazio aldian eredua aukeratzeko eskubidea daukatela. 3 urte darama gizarte honek esanaz zein den gura duen hezkuntza eredua bere seme-alabentzat. Ez da hori egin behar den publizitate kanpaina, baizik eta  sistema publikoak daukan arazoetan bat, gettifikazioa, A eredu publikoan, horri aurre egitea, etorkinen gurasoekin berba egiteko, azaltzeko zergatik aukeratzen dugun gehienok hizkuntza ofizial biak jakiteko balio duten ereduak. Guztion onerako delako.

Guztiona eta guztiontzat behar zuen gobernu honek funtzio publikoan ere murrizketak planteatu ditu. Eta erantzuna zein izan da? Ze jada ez da sindikatu abertzaleen erantzuna bakarrik. Izan ere, gaur bertan aho bateko erantzuna jaso du kontra gobernuak. Azken unean haiekin baino berba egin barik, zuzenketa baten bitartez murrizketa sartu eta eraikitzen ahalegindutako guztia, zalantzan jarri eta bertan behera uztarazteko. Hori da guztiona eta guztiontzat?

Guk zuzenketa zehatz asko egin ditugu uste dugulako sistema publikoak izan behar duela, baita sanitatean, ardatza; uste dugulako bilatu behar dela etxebizitza politika hobe bat –ikusi besteri kez dago azkeneko aurrekontu bietan zenbateko jaitsiera izan duen etxebizitza sailak eta horrek ez dio egoki erantzuten sozietate honek oraindino ere dauzkan premiei.

Guk, zuzenketak planteatu ditugunean, guztiak izan dira non gauden jakin, zein egoeratan gauden jakin, eta horretan egoera horri erantzuna emateko orduan, ahalik eta erabaki zuzenenak hartzea. Horregatik proposatu dugu langileen pentsio planen ekarpenak kentzea, gobernua kez jartzea dirurik pentsio planetarako, eta, aldi berean, egiten duen lanari dagokion soldata jasotzea langileak. Badakigulako diru gutxiago dagoena eta krisian gaudena, baina badakigu –eta uste genuen horretan bat gentozela– ez dela posible krisi baten ondorioak paira araztea gutxien daukatenei, funtzio publikoan lanean dihardutenei eta, nagusiki, horien bizkar uztea egin beharreko murrizketak. Horregatik gure proposamenak izan dira aurrekontuak, atal guztietan, hobetzekoak.

Gobernuak guri dedikaturiko 0 segundoak baino askoz gehiago erabili ditut; ez naiz luzatuko.Baina zuzenketa zehatz bat aipatuko du: 2012ko hauteskunde gaua antolatzeko egin dugun zuzenketa. Uste dugu herri honek merezi duela 2012an hauteskunde gaua egitea.

Besterik ez, eskerrik asko