Saria zigor
Bide azpiegiturak eta horiek erabiltzeagatik ordaintzen duguna kezka iturri izan da beti guretzat. Erakundeetan sistema bidezkoago baten aldeko apustua egin izan dugu eta egiten jarraituko dugu. Europako beste toki batzuetan egiten den bezala, erabiltzaileek azpiegituren mantenuan, ez inbertsioan, lagundu dezaten eta, horrela, bidesariak ez daitezen haien mugikortasun beharrentzat zigor bilaka. Horretarako urteroko bineta merke bat proposatu izan dugu, soilik dagoeneko ordainketa eskatzen duten bideetan, A-8 eta AP-1ean.
Gipuzkoan gai horri heldu zaio, baina ez dut uste bide egokitik egin behar denik. Izan ere, hasieratik bidesariak beste errepide batzuetara hedatzea proposatuko dela entzun dugu. Gure ustez, horrek gaur egungo egoera okertu besterik ez luke egingo eta sariak, bideak erabiltzegatik ordaintzen duguna, zigor izaten jarraituko du. Lehen baino gehiago.
Gaizki ikusiko ez genukeena da nazioarteko pisu astunak daramatzaten ibilgailuek tasa bat ordaintzea, Gipuzkoan zegarik ordaintzen ez dutenez eta Gipuzkoa igarobide garrantzitsua izanik, nolabaiteko konpentsazioa izango litzatekeelako.
