atxiloketak
13/10/2009
Politika da bidea
Politika egiteagatik atxilotu dituzte Batasunako kideak. Astakeria horren aitzinean ezin dut isilik egon. Politika da bide bakarra, eta politikaren aldeko apustua argia eskatzen diegunean dator kolpe hau. Batasunaren barrenean gauzak aldatu eta politikaren aldeko apustua argien egiten ari diren pertsonak atxilotzearekin helburu argia du Garzonek eta Espainiako estatuak: politikari bidea moztea.
Askatasuna eskatu bertzerik ezin dut egin. Atxilotuak berehalakoan askatu ditzatela, eta poliziaren eskuetan dauden bitartean bermatu daitezela giza eskubide guztiak. Onartezina da politikan jarduteagatik pertsonak kartzelaratzea. Onartezina ideien kriminalizazioa eta jararpena.
Bertze behin, Espainiako estatua urrunegi joan da. Demokrazian onartezina den jokaera erakutsi du, eta muga guztiak apurtu ditu. Politikan aritzea inoiz ezin da delitu izan, inoiz ez.
23/01/2009
Ideien kriminalizazioa, estatuaren astakeria
Goizaldean Batasunako zortzi kide atxilotu dituzte. Euren delitua: politikan jardutea. Astakeria politikoa!
Horrelakoetan hitzetan luza naiteke. Baina, tamalez, maizegi gertatzen dira horrelakoak. Astakeria politikoa eta juridikoa. Lotsagabekeria galanta. Eskubideen zapalketa. Ideien kriminalizazioa.
Noiz onartuko du Espainiak ideietan anitza dela Euskal Herriko gizartea? Noiz ideiak ezin direla atxilotu? Pentsatzea delitu ote? Inondik ere ez nago prest hori onartzeko. Ideien kriminalizazioa da estatuaren bertze astakeria bat.
