Ez da nahi genuena, ez da espero genuena
Etsipenez eta saminez hartu dugu Estrasburgeko berria. Ez da nahi genuena, ez da espero genuena. Estrasburgeko auzitegiak Batasunaren legez kanporatzearen alde egin izana berri txarra da demokraziarentzat.
Espainiako sasi-demokraziak Europan ere jaso du merezi ez duen babesa. Alderdien Legeari airea eman dio. Ankerkeriari bidea egiten jarrai dezan uzten dio. Albiste txarra, guziz.
Non daude bere hautu politikoa legez kanporatua duten milaka herritarren eskubideak? Bide politikoen aldeko apustua egitea eskatzen zaio Batasunari, baina nola eginen du, aurkezten ere uzten ez bazaio?
Ez dut ulertzen demokrazian sakontzea eskubideak murriztetik datorrenaren estrategia. Ez dut ulertzen milaka herritarren eskubieak urratzea helburu izatea.
Ez da Estrasburgetik aditu nahi nuena. Ez da Estrasburgetik espero nuena. Berriz ere, etsipena. Berriz ere zirimola. Sorgin gurpila. Noiz etorriko zaigu haize fresko bufada bat?
