Ezagupenetik erabilerara
Donostiako Euskara Plana onartu berri du Gipuzkoako hiriburuko Udalak. Euskal Herrian ez da neurri horretako hiririk horrelako euskara plan bat duena. Ez da instituzio bat hain planteamendu aurreratua duena. Ezagupenetik erabilerarako jauzia eta apustua egin du Donostiako Udalak.
Langileen %58 euskalduna izanen du, gutienez, planaren bukaeran, Donostiako Udalak. Bai, gehiago izatea nahi genuke, baina non gauden aintzat hartu behar da, eta gisa honetako bertze instituzioen egoerarekin alderatu. Nola daude Bilbo, Gasteiz edo Iruñako Udalak arlo honetan (ez dut Baiona edo Miarritze aipatuko, bertzleakoa delako egoera)? Nola Aldundiak? Nola Jaurlaritza?
EAJ ez da gai izan gisa honetako planik garatzeko instituzioetan eman duen urte guztietan, ez Jaurlaritzan, ez hiru aldundietan. UPNk ez du horrelakorik nahi, eta bere politika kontrako norabide batean doa. Zer gertatuko da PSEren Jaurlaritzarekin? Nekez eginen du horrelako aurrerapausurik PPren hatzaparretan.
Donostiako Udalean posible izan da, PSEko alkate batekin, bai, baina hau ez da gertatzen Gasteizko Udalean, eta ez da gertatuko Jaurlaritza berrian. Zergatik? Ez delako kasualitatea Aralarrek izatea hizkuntza politikako ardura Donostiako Udalean. Egiteko aunitz dago, bai, baina gaurkoa bezalako albiste gehiago behar dugu.
Zorionak Ainhoa!
ezagupenetik erabilerara
dena den zer nolako etorkizuna marrazten ari den atzemateko, zorionez Donostian ez, liburu bat gomendatu nahi dizuet, La política lingüística vasca a debate (Ciudadanía y Libertad elkarteak egina). Kezkagarriak hor agertzen diren asmoak eta ideiak. Kontrareforma abian da!