ETB-0: zero ganora eta zero euro

Mikel Basabe eta Nekane Perez Aralarren parlamentariek ETB Nafarroan ere LTD bidez ikustea aldarrikatzen dute, Berrian argitaratutako iritzi artikulu batean. Izan ere, "duela ez asko, Aralarrek aurkeztutako legez besteko proposamen bat eztabaidatu genuen Eusko Legebiltzarrean. Proposamen horretan eskatzen genuen Eusko Jaurlaritzak eta Nafarroako Gobernuak negoziazioei ekitea, Nafarroan ETBren eskaintza osoa ikusterik izan dadin LTDren bitartez". Ekimena, baina, ez dute babestu alderdi sozialista biek eta parlamentari biek salatu egiten dute ETBren egungo egoera, eta agintean daudenen utzikeria.