Edukira salto egin | Salto egin nabigazioara

Ezkerrekoa eta abertzalea

Atalak
Tresna pertsonalak
Hemen zaude: Hasiera → Aktualitatea → Aralarrek dei egin die "ezkerrekoak eta abertzaleak diren pertsona guztiei, arduraz joka dezaten" eta "aitor dezaten publikoki ETAri geratzen zaion amaiera duin bakarra aldebakarrekoa eta ordainik gabekoa" dela

Aralarrek dei egin die "ezkerrekoak eta abertzaleak diren pertsona guztiei, arduraz joka dezaten" eta "aitor dezaten publikoki ETAri geratzen zaion amaiera duin bakarra aldebakarrekoa eta ordainik gabekoa" dela

Legebiltzarra 2009/08/01
  • Indarkeria
  • ETA
  • Ezenarro

Radio Euskadiren Más que palabras irratsaioko Parlamento de las Ondas tartean, Aralar legebiltzar-taldeko bozeramaile Aintzane Ezenarrok galdetu du ia "zer gehiago gertatu behar den pertsona guztiok hau ez dela bidea esateko?". "Pribatuan indarkeriarekin amaitu behar dela aitortzen duten guztiei" zuzendu zaie Ezenarro eta "ETAk etorkizunik ez duela pribatuan esaten dutenek, publikoan ere esan dezatela" eskatu die "ikuspegi politiko batetik ere ezker abertzaleari kalte baino ez diolako egiten borroka armatuak". Ezenarrok "arduraz jokatzea" eskatu du aitortzeko ETAri geratzen zaion amaiera duin bakarra aldebakarrekoa eta ordainik gabekoa dela "horrek asko lagundu baitezake izugarrikeria honekin amaitzeko".

Era berean, Aralarren bozeramaileak itxaropen mezu bat zabaldu nahi izan du. Berretsi egin du "bakea eta elkarbizitza posible direla gure herrian". Ikuspegi abertzale batetik ezkerrekoak eta abertzaleak diren pertsona guztiei dei egin die "ETAk abertzaleon gehiengoari bizkar ematen jarraitzen duen honetan gure bidea egiten segi dezagun; indarkeriarik gabe, amore eman gabe eta inori itxaron gabe".
"Panorama beltza den arren, bakea posible da eta abertzaleok bide politikoetatik jarraitu behar dugu borroka politikoan, gure eskubide nazionalen defentsan".

Dokumentuaren akzioak